ယနေ့အသည်းကွဲနေသည်

မျက်ဝန်းမှ မျက်ရည်ပူတချို့ သူ့အလိုလိုလိမ့်ကျလာသည်..။ ညက အိပ်ရေးမ၀ခဲ့သော ခေါင်းက တဆစ်ဆစ်ကိုက်ခဲလာပြီး လုပ်လက်စ အလုပ်ကိုရပ်ရန် အချိန်ရောက်ပြီဟု သတိပေးနေသယောင်ပင်..။ စာအုပ်ကို လှန်လိုက်သော်လည်း စာလုံးတွေက အမြင်ထွေပြား ခပ်ဝါးဝါးပင်ဖြစ်သည်..။ စာဆက်ကြည့်ဖို့ ဘယ်လိုမှမဖြစ်နိုင်ကို ကောင်းစွာ သိနေသဖြင့် စာအုပ်ကို ပိတ်ပြီး ရေချိုးရန် ပြင်လိုက်သည်...။

အုတ်ရေကန်တွင်းက ရေမှာ ညသိပ်ထားသဖြင့် အေးစက်လွန်းလှသည်..။သို့သော် သူ့ရင်တွင်းမှ အပူကိုတော့ အေးချမ်းအောင် မစွမ်းနိုင်ပေ..။ စာမေးပွဲဖြေရမည် ဆိုသော အသိဖြင့် ထိုင်းထိုင်းမှိုင်းမှိုင်း ဖြစ်နေသော ဦးနှောက်ကို ပူပန်တတ်အောင် ... သွက်လက်တက်ကြွလာအောင် .. ကြိုးစားကြည့်သော်လည်း အချည်းနှီးသာ..။

ငယ်ငယ်က စာမေးပွဲဆိုလျှင် အောင်ရုံမက အဆင့်ကောင်းမှ အိမ်ကို ရီပို့ကဒ် ပြရဲသည်...။ စည်းကမ်းတင်းကျပ်သော အဖေ့ကြောင့် အဆင့်မကောင်းလျှင် ကြိမ်လုံးနှင့် မိတ်ဆက်ခံရမြဲဖြစ်သည်..။ အတန်းကြီးလာလေ အဆင့်ကြီးလာလေ ဖြစ်သောကြောင့် နောင်အခါ ကိုယ့်ကိစ္စ ကိုယ့်ဘာသာ တာဝန်ယူရတော့သည်..။ကိုယ်တိုင် အဖေ့လက်မှတ်အတုထိုး၍ ဆရာမလက် ပြန်အပ်စမြဲ...။ နောက်ဆုံး အိမ်ကလည်း စားမေးပွဲ မကျသည်ကပင် တော်လှပြီဟု သဘောပေါက်သွားဟန်တူသည်..။ ရီပို့ကဒ် အကြောင်း စကားမဟတော့..။

အရာရာတွင် ကိုယ့်ကိုယ်ကိုကြံဖန်ဂုဏ်ယူတတ်သော အကျင့်ကြောင့် နောက်ဆုံး မျဉ်းပိတ်အောင် စာရင်းလေးပါခဲ့ခြင်းသည်ကပင်လျှင် ရှုံးသူများကို ယှဉ်ပြိုင် ထပ်လောင်း အနိုင်ရခြင်းဖြစ်တော့သည်..။အတန်းထဲတွင် လစဉ် တဖုံးဖုံး ကျရှုံးနေသော သူငယ်ချင်းတွေကို သူနားမလည်နိုင်ခဲ့...။

လပတ်စာမေးပွဲကျသော်လည်းမျက်နှာမပျက်...အရယ်အမောတသောသောရယ်နဲ့...။လက်ဖက်ရည်ဆိုင်ထိုင်လိုက်...
ဂိမ်းဆော့လိုက်နှင့်ပင်..။အချိန်တန်လျှင်တော့ သူတို့လည်း အများနည်းတူ အတန်းတင်စာမေးပွဲရောက်လျှင်တော့ အောင်သွားမြဲ။
ဒါကို သူမကျေနပ်နိုင်...။ကိုယ့်မှာကတော့ ကျက်လိုက်ရတဲ့စာတွေ..စာတွေမှ မနည်းမနော..။

အထက်တန်း ရောက်တော့လည်း စီးကရက်တွေ ..အရက်တွေ..ဘီယာတွေနဲ့ ပျော်နေတတ်သော ထိုထိုသူငယ်ချင်း အစုတွင်လည်း သူမပါဝင်ခဲ့...။မ၀င်ဆန့်တာဖြစ်သလို ကိုယ်ကိုယ်တိုင်ကလဲ အိမ်ကို ကြောက်ရသဖြင့် ခပ်ကင်းကင်းသာနေခဲ့သည်..။ နည်းနည်းကွာသွားတာက တက္ကသိုလ်ဝင်တန်းတွင် ကိုယ်က အမှတ်အနည်းငယ် သာသွားသည်ကလွဲ၍ အတူတူအောင်ခဲ့ကြသည်..။

အဆောင်နေ ကျောင်းသားဘ၀တုန်းက ညီအစ်ကိုရင်းတမျှ ခင်မင်လှသော သူငယ်ချင်း သားကြီး၏ အခန်းနံရံမှ စာသားလေးတခုကို လွန်စွာ သဘောကျသည်..။ သားကြီးကိုကြည့်လိုက်လျှင် စာကျက်ဖို့ဝေး အတန်းတက်ဖို့ကိုပင် အတော်တိုက်တွန်းယူရသည်..။အခြားသူများနဲ့ မတူ သားကြီးက
တမူထူးသည်..။သောက်စားမူးရူး ရန်ဖြစ်တတ်သူမျိုးမဟုတ်...။ အအိပ်မက်လွန်းသည်..။သူရေးထားတာက..

မနိုးရ!!
ယနေ့
အသည်းကွဲနေသည်..
စာကျက်၍ မရပါ..

ဖတ်လိုက်တိုင်း ပစ္စုပန်ကိုသာ ဆိုလိုသည်ကို သဘောပေါက်သင့်သည်..။

ညနေစောင်းမှ အိပ်ရာထ..၊ဘောလုံးကန် ...၊ရေချိုး...၊မြို့ထဲသွား..၊ အရက်သောက်...၊ ထမင်းစား..၊ ဘီလီယက်ထိုး...၊ ဂိမ်းဆော့....၊ ဘောပွဲကြည့်...၊ ဖဲရိုက်....၊ ကာတွန်းဖတ်...၊ စောစောအိပ်  ( နံနက်စောစောဖြစ်သည်..) ...ဤသို့ဤပုံ လည်ပတ်နေသော သံသရာတွင် စာမေးပွဲဆိုတာ လာလာထောက်ရင် Rhythm ပျက်သွားတတ်သည်...။

အဆောင်နေ၍ ကျောင်းတက်ရသည်မှာ ကျောင်းစာလုပ်ရသည်က လွဲလျှင် ကျန်တာ အားလုံးပျော်ဖို့ ကောင်းသည်...။ စားမေးပွဲအတွက်ကတော့ တပွဲထိုးလေးတွေစပေါ့ထုတ်..ကျက်မှတ် နောက်..မိတ္တူသေးသေးဆွဲ စတေကာကပ် အဆင်ပြေသည်...။
အားလုံး ကိုယ့်အစုနဲ့ကို တက်ညီလက်ညီ ကြိုးစားကြသည်..။ သို့တိုင်အောင် သူငယ်ချင်း တစုလုံး final တွင် စာမေးပွဲကျကြသည်..။ မဖြေနိုင်မှန်း သိပါလျှက်နဲ့ အားလုံး က အဖြေကို ကြိုသိနေသလို တုန်လှုန်ခြင်းကင်းလျှက် တပျော်တပါး နေရပ်ပြန်လာခဲ့ကြသည်..။

တလောက သိပ်တော်သော သင်္ဘောသား သူငယ်ချင်းတစ်ယောက် စာမေးပွဲကျသွားသည်..။ အမူးလွန်၍ သင်တန်း ပုံမှန် မသွားနိုင်သောကြောင့်ဖြစ်သည်..။ နေ့စဉ် ဒိုင်ယာရီကို အင်္ဂလိပ်လို ငယ်ငယ်ကတည်းက ရေးလေ့ရှိသော သူငယ်ချင်းတစ်ယောက်လည်း ရာထူးတက်စာမေးပွဲကျသည်..။ ညတိုင်း အပြင်ထွက်...နေ့စဉ်မှန်မှန် ရုံးတက်နေရသောကြောင့် စာမကျက်နိုင်ရှာပေ..။ သူတို့အားလုံးတော်ကြသည်..။စာမေးပွဲ မအောင်ခြင်း ကြောင့် သူတို့ညံ့သွားသည်ဟု သတ်မှတ်၍ မရပေ..။အလယ်တန်း အထက်တန်းတုန်းလောက် က သာ ကေတီဗွီတို့ မာဆတ်တို့ ယခုလို ခေတ်စားနေခဲ့လျှင် သူပင် ဒီအတန်းထိ ပညာသင်ခဲ့ဖူးမည်မထင်..။အိပ်ရေးပျက်လွန်းသောကြောင့်ဖြစ်သည်..။

ငယ်ငယ်က စာမကျက်သော သူငယ်ချင်းတွေ စာမေးပွဲတိုင်းကို စိတ်ဝင်တစား မရှိလှခြင်း၏ အကြောင်းအရင်းကို ခုမှ သဘောပေါက်သည်...။ ဘ၀မှာ အားလုံးက အစီအစဉ်တကျရှိနေသည်မဟုတ်...။ ကြုံလျှင် ကြုံသလို လှည့်တတ်ပတ်တတ်ဖို့ လိုသလို ..တပွဲထိုး စဉ်းစားတတ်ဖို့လဲလိုသည်..။ နေတတ်လျှင် ကျေနပ်စရာကောင်းသော လူ့လောကကြီးမှာ လူသားအားလုံး နေ့စဉ်နေတိုင်း စာမေးပွဲတွေ ဖြေနေရသည်..။အမြဲတမ်း မအောင် နိုင်သလို အမြဲတမ်းလည်း မရှုံးနိုင်ပါ...။ နေပျော် ..သေပျော်ဖို့...အခြားခြားသော  စိတ်ဝင်စားခံစားမှုမျိုးစုံကိုလည်း မျှတအောင် ခံစားတတ်ရသည်..။

ကိုးရီးယား ကားထဲကလို အားနေ လက်သီးဆုပ်ပြီး အောင်ရမည်..အောင်ရမည်ဟုလည်း ကြုံးဝါးနေရုံနဲ့လည်း လိုချင်တိုင်း ရလိမ့်မည်မဟုတ်..။သူများ အမြင်ကပ်ခံရရုံနဲ့ လေကုန်ရုံကလွဲ၍ ဘာမျှ ထူးလာမည်မထင်...။ အသက်ကြီးလာလျှင် အပူတွေက ပို၍ ပို၍ များလာသလို ခံစားရတာတွေကလည်း ရင်နှင့်မမျှ ဖော်ခြင်း..သော်ခြင်း...။

အချိန်တိုင်း နီးပါး စာမေးပွဲ စစ်သလို မေးမြန်းနေသော သူတွေကို သင်ရိုးကုန် ကျက်မှတ်ဖြေရမည်လား...ကြုံသလိုလှီးလွှဲ ဖြေရမည်လား...စဉ်းစားရခက်လှသည်..။ ကျောင်းစာမေးပွဲက အနီးစပ်ဆုံး မှန်လျှင် ဂုဏ်ထူးတန်းဝင်သည်..။ ဘ၀စာမေးပွဲကတော့ အနီးစပ်ဆုံး မှန်အောင်ဖြေနေခြင်းကပင် အချစ်မ၀င် အပြစ်မြင်သွားနိုင်သည်..။

ထို့ကြောင့်လည်း ရှေးလူကြီးတွေက လူတိုင်းကို လမင်းကြီးလို တခြမ်းပဲ ပြပါလို့ ပြောခဲ့ခြင်းဖြစ်ဟန်တူသည်..။ဟိုရက်ပိုင်းကမှ သူ ဘ၀စာမေးပွဲတခုရှုံးနိမ့်ထားသေးသည်..။ မေးသူတစ်ယောက်နဲ့ ဖြေသူတစ်ယောက်သာရှိသော စာမေးပွဲဖြစ်သည်...။ အမှန်အတိုင်းဖြေမိသဖြင့်.... သူ ဂုဏ်ထူးထွက်သွားသည်..။ ပြီးပြီတဲ့... တခွန်းထဲရယ်

ကလေးတုန်းကလို မလုပ်ချင်တော့.. ရှုံးခြင်းရှုံးပါစေ...။ မထိုက်တန်၍ ရှုံးနိမ့်ရခြင်းသည်.. ။

                                           ******************************************

အတွေးစကိုဖြတ်ပြီး အမေဖျော်ပေးထားသော ကော်ဖီကို စိတ်မပါစွာ ကျိုက်ခနဲမော့လိုက်ပြီး လေးကန်နေသော ခြေလှမ်းများဖြင့် ကားမှတ်တိုင်သို့ ထွက်လာခဲ့သည်..။သို့သော် ကျောင်းကို မဟုတ်မှန်း ကိုယ်တိုင်သာ သိသည်..။ စာမရပဲ စာမေးပွဲဖြေခဲ့သည်မှာ လွန်ခဲ့သော ၁၀ နှစ်ခန့်ကဖြစ်သည်..။

ယခုတော့ သူ ကလေးတုန်းကလို မလုပ်ချင်တော့.. ရှုံးခြင်းရှုံးပါစေ...။ မထိုက်တန်၍ ရှုံးနိမ့်ရခြင်းသည်.. ။

ထိုက်တန်ရင်းနှီးမှုရှိမှ ထိုက်သင့်တဲ့ အောင်မြင်မှုတွေ အကြောင်း ကြားဖူးလှပြီ..။ သူ့ရာဇ၀င်မှတော့ ချရေးစရာ နည်းပါးလွန်းနေသးသည်..။
အသည်းကွဲနေ၍ ဖြစ်မည်ထင်သည်..။


billy(5.12.2011) 11:23AM

ဆန်းဆန်းတင့်

အမြင်လည်း ဆန်း
အသွင်လန်းလျှက်
သူက ပွင့်လန်း
ဆန်းတင့်သည်..။

အနားတိုးကပ်
လေညာရပ်မှာ
ရနံကမွှေး
ဆန်းတင့်သည်..။

တနေ့ ရနိုး
မောင်ရွယ်ခိုးသည်..
သူတစ်ပါးခြံမှာ
ဆန်းတင့်သည်..။

Billy(20.12.2011) PM 8:33

ဘေထုပ်

အခါကြီး ရက်ကြီးမို့ထင်သည်...ဒီနေ့ ဆိုက္ကားကလည်း လွှတ်ကို ဆွဲကောင်းသည်...။ နေ့မွန်းမတည့်ခင်မှာပင် သူ ၄၀၀၀ ကျော်ရသွားသဖြင့် ထမင်းမစားခင် စားကောင်းအောင်... တခွက်တဖလား သူ ချသွားချင်သေးသည်..။ အရက်ဖြူ ဆိုင်အရှေ့ ဆိုက်က္ကားကို ထိုးအရပ်...

"ဆိုက္ကား...ဆိုက္ကား "

သူ မကြားချင်ယောင်ဆောင်ပြီး ဆိုင်ထဲ ဇွတ်ဝင်လာသည်...။
အမြည်းရောင်းသော ဒေါ်သေးသေးက အလိုက်မသိ...

"ဟဲ့..ကောင်လေး ..ဟိုမှာ ဆိုက္ကားတဲ့ "

သူ ကျွတ်သတ်ပြီး စိတ်မပါစွာဖြင့်...လှည့်ကြည့်လိုက်သည်..။
အထုပ်အပိုးတွေနဲ့ အမျိုးသမီး တစ်ယောက် ...
သူ ဆိုက္ကားကို ခွလိုက်ပြီး အမျိုးသမီးနားသို့ ကျင်လည်စွာ နင်းသွားပြီးနောက်..

"ဘယ်သွားမလဲ ...အမ"

ဆံစပ်နားမှ ချွေးစို့စို့ကို လက်ဖြင့်သပ်ချရင်း....

" ဒီလိပ်စာလေး ကိုသိသလား..အဲ့ဒီကိုသွားချင်လို့"

"အမှတ်(၈၃၉) ...ဘောဂ၀တီလမ်း..၃ ရပ်ကွက်..မြောက်ဥက္ကလာ..."

သူနှုတ်ခမ်းတို့ ကွေးညွှတ်သွားသည်...။

"သိတယ်အမ..."

"သွားရင် ဘယ်လောက်လဲ"

"ကြည့်ပေးပါ အမ"

သူသဘောကောင်းလွန်း၍ မဟုတ် ...။သူ့အိမ်၏ ခေါင်းရင်းနှစ်အိမ်ကျော်ဖြစ်နေ၍ ကိုယ်လည်း ထမင်းစားပြန် လမ်းကြုံသည်..။ ထမင်းစားကောင်းအောင် တစိတ်လောက် မချခဲ့ရခြင်းကိုတော့ သူနည်းနည်း စိတ်မကောင်းဖြစ်မိသည်..။

 "ဖွားစိန်ဥ ဒီမှာ ဧည့်သည်လာတယ်.."

သူမ ရုတ်တရက်နားမလည်နိုင်သေးသည်ကို သူသဘောပေါက်သည်..။

"ကျွန်တော်က ဒီဘက် ခြေရင်း နှစ်အိမ်ကျော်မှာ နေတာ...ဒါကြောင့် အမလိပ်စာပြောကတည်းက သိနေတာ.."

ထို့နောက် သူမ အထုပ်တွေတချို့ကို သွက်သွက်လက်လက်အိမ်ပေါ်တင်ပြီးနောက် ဖွားစိန်ဥကို နှုတ်ဆက်ပြီး အိမ်ဘက်ပြန်ထွက်လာခဲ့သည်...။

                                          xxxxxxxxxx

"ဇော်ဇော် ...မိန်းမတစ်ယောက်က အရင်က သူ့ဘ၀မှာ အမည်းစက်ရှိခဲ့မယ်..ဥပမာကွာ...အိမ်ထောင်ကျဘူးတယ်..နောက်ကွဲသွားတယ်... မင်းကလည်း သူ့ကို အရမ်းချစ်မယ်ဆိုရင်...မင်းသူ့ကို ယူနိုင်မလား...? "

"အထွန်း..မင်းကတော်တော်ပိန်းတာပဲ...လောကမှာ ဒီလောက် မိန်းမပေါတာ...လှည်းကျိူးထမ်းစရာလားကွ... ငါဆိုရင်တော့ ဘယ်လောက်ချစ်ချစ်မယူဘူး...ငါက လူကသာဆင်းရဲတာ...ဘေထုပ်တောင် ၀တ်တဲ့ကောင်မဟုတ်ဘူးကွ...အဟက်..ဟက်"

သူ ဟာသနှော်၍ ပြောလိုက်သော်လည်း ...အထွန်းက လိုက်မရယ်ပါ...။ စကားမပြောနှုတ်ဆိတ်သွားသဖြင့် ကျေနပ်စရာ မဟုတ်သော အဖြေကို ပေးမိပြီဟု တော့ သူရိပ်မိသည်..။

"မင်းကလဲ ကွာ.... ဘာပဲဖြစ်ဖြစ် ကိုယ်ကြိုက်လို့ ကိုယ်ယူတာပဲ ဘယ်သူ့သောက်ဂရုစိုက်မှာလဲ..ကြိုက်ယူပေါ့ကွ..." ဟု စကားကိုဖော့ပြောလိုက်ရသည်...။

"မောင်လေး...မောင်လေး"

သူ့ကို ရည်ရွယ်၍ ခေါ်မှန်း သူမသိသေး...။အထွန်းက လက်တို့မှ သူကိုခေါ်မှန်းသိသည်..။ ဟိုတနေ့က ဖွားစိန်ဥအိမ်ကို လိုက်ပို့ခဲ့သော အမဖြစ်သည်...။ ရိုးရိုးယဉ်ယဉ်လေးနှင့် သူမပုံစံက အေးချမ်းတည်ငြိမ်လှသည်..။ အထွန်းက ဘာလဲ...ဆိုသည့် သဘောဖြင့်မျက်ခုံးပင့်ပြသည်..။

"အမ ..ဆိုက္ကားဆိုရင် ကျွန်တော့်အလှည့်မဟုတ်သေးဘူး...သူ့အလှည့်....."

အထွန်းက ရပါတယ်ဆိုသော သဘောဖြင့် ....ခေါင်းညိတ်ပြသည်..။
သူမအနီး အရောက်တွင်တော့...ကျောမှီဆိုဖာကို နေရာပြင်ပေးရင်းမှ...

"ဈေးလားအမ.."

ဟု လူတိုင်းကို မေးနေကျစကားတခွန်းက နှုတ်ဖျားမှ အလိုလျောက်ထွက်ကျလာသည်..။ဆိုက္ကားသမားဆိုတာ..အလိုက်သိမှ ဖောက်သည်များများရသည်..။စကားပြောယဉ်ကျေးရသည်..။ ဖင်ပေါ့ရသည်..။ အဖေဆိုက္ကားနင်းတုန်းကလည်း သူများထက်ဖောက်သည်များများရသည်...။ အဖေက မျက်နှာချိုသည်..။ အဖေ့ဆိုက္ကား စီးနေသည့် သူတိုင်းကို မပျင်းရအောင် ... ချွေးတလုံးလုံးဖြင့် နင်းနေရင်းမှ သာရေးမေး..၊ နာရေးမေးရင်းနဲ့  ကြားရသမျှ သတင်းမျိုးစုံပြောပြတတ်သည်..။ ငွေရေးကြေးရေးဆိုလျှင်လဲ တော်ရုံစကားမပြော ပေးသမျှကိုသာ အလိုက်တသိယူတတ်သည်..။ထိုအကျင့်တွေနဲ့ အတူ သူရလိုက်သည့် အကျင့်ကတော့ ညနေဘက်ဆိုလျှင် တခွက်တဖလားမော့တတ်ခြင်းမျှသာ...။ အခုတော့ အဖေက သူ့ဘာသာ ပင်စင်ယူလိုက်၍ ဆိုက္ကားကလေးကို အမွေရလိုက်ခြင်းဖြစ်သည်..။ ၇ တန်းကျောင်းသားဘ၀လောက်ကတည်းက ကျောင်းထွက်ခဲ့ပြီးနောက် အပြင်လောကကို သူစောစောထိတွေ့ခွင့်ရသည်..။လူရည်မလည်သေးသည့်တိုင်...လူကဲခတ်တော့ နပ်သည်ဟု ပြောလို့ရသည်အခြေအနေမျိုးဖြစ်သည်..။

သူမခေါင်းညိတ်ပြအပြီးမှာတော့ ...ဆိုက္ကားကို ခပ်သွက်သွက်နင်းရင်း အဖေ့စတိုင်လ်ကိုသူဖမ်းလိုက်သည်..။

"အမက နယ်ကလာတာလား"

"ဟုတ်တယ်"

"ဘယ်နယ်ကလဲ"

"ကရင်ပြည်နယ်က"

"ဟုတ်လား..ကျွန်တော့်အမေကလဲ ကရင်ပြည်နယ်ကပဲ...အဖေနဲ့က မော်လမြိုင်မှာ အကြောင်းပါတာ...အဲ့မှာ ၂ နှစ်လောက်ကြာပြီ..ရန်ကုန်ရောက်လာတာ...အဲ့..ရောက်စတုန်းက ရန်ကင်းမှာနေတာလို့တော့ပြောတယ်.......................
..................."

စသဖြင့်
စကားတွေ အပြန်အလှန်အများကြီးပြောဖြစ်ကြသည်...။

                            xxxxxxxxxxxxxxxx

"မဖြစ်နိုင်ပါဘူးကွယ်...။ ဒို့ဘယ်သူ့ကိုမှ မချစ်ချင်တော့ဘူး...။"

သူမနံဘေး တစ်ပေခန့်အကွာမှာ ထိုင်ရင်း သူမြေကြီးကို သစ်ကိုင်းခြောက်တခုဖြင့် အဓိပ်ပါယ်မဲ့ ထိုးစွနေမိသည်..။သူမ ကိုချစ်တယ် ပြောတိုင်း ငြင်းပယ်ခံနေရသည်မှာ အကြိမ်ပေါင်းမနည်းတော့...။ သို့သော် သူ့ကိုတော့ ဘယ်တုန်းကမှ ပစ်ပစ်ခါခါမပြောခဲ့သလို သူမအနားကိုလည်း နောက်ထပ်မလာပါနဲ့တော့ဟု ပိတ်ပင်ခြင်း မရှိ...။ သူအတွေ့အကြုံအရတော့ ဒီလိုအခြေအနေမျိုးကို နားလည်ဖို့ဥာဏ်မမှီ...။မိန်းကလေးတွေက ချစ်သူကိုသာ သူတို့အပါး ချဉ်းကပ်ဖို့ ခွင့်ပေးသည်..။မုန်းသူကိုတော့ ယောင်လို့တောင် အသီမခံ...။ သူ့အခြေအနေကတော့ ချဉ်းကပ်ခွင့်ရနေပါလျှက်နဲ့ ချစ်ခွင့်မရှိ...။ချစ်ခွင့်မရ....။
နီးလျှက်နဲ့ဝေး..မြင်လျှက်နဲ့ငေး...ကြင်လျှက်နဲ့ဆွေး နေရသည်..။

 သူ့ထက် ၃ နှစ်ခန့်ပိုကြီးကြောင်း သူမအပြောအရသိရသည်...။ သူမ အဖွား၏ ညီမ ...သူမ၏ ဖွားလေးအိမ်တွင်လာနေရင်း စက်ချုပ်သည်..။သူမ ငယ်စဉ်ကတည်းက စက်ချုပ်ပညာကို စနစ်တကျသင်ထားသည်..။ ယိုးဒယားဘက်ကမ်း အထည်ချုပ်စက်ရုံတွင် ၅ နှစ်ကျော်မျှ သွားရောက် လုပ်ကိုင်ခဲ့ဘူးသည်..။ သူသိသည်က ဒီလောက်ပဲဖြစ်သည်..။

စကားအပြောဆို ယဉ်ကျေးသိမ့်မွေ့သလို...အနေအထိုင်ကလည်း သပ်ရပ်သည်..။ တခြားသူတွေနဲ့ စကားနည်းသလောက် သူနဲ့တော့ စကားအလွန်ပြောသဖြင့်...သူကိုတော့ ခင်ရှာမှန်း သိသည်..။ သူမအနားရှိနေခြင်းကို ကိုယ်တိုင်ကျေနပ်သလို...သူမကလည်း သူ့ကို ခင်မင်အားကိုကြောင်း စကားစပ်မိလျှင် ပြောလေ့ရှိသည်..။

သူမဖွားစိန်ဥတို့ အိမ်ရောက်လာကတည်းက သူအိမ်မြဲမှန်း အဖေသာ သိလျှင်...ငါ့သား မင်းတွေ့နေပြီလား ဟု အရွှန်းဖောက်မှာ သေချာသည်..။ သူကလည်း သူ လမ်းထဲပြန်ရောက်လျှင် ဖွားစိန်ဥတို့ အိမ်ဆီလှမ်းမျှော်ကြည့်ရသည်မှာ မောလှသည်..။ အိမ်က ချုပ်စရာရှိတာမှန်သမျှ ရှာကြံနေတတ်သည်...နောက်ဆုံးမရှိလျှင် ရှိစုမဲ့စု ပုဆိုးတွေကို ကိုယ်တိုင်ဖြဲရသည်...။ ဘာရယ်မှန်းမသိ အနေနီး၍ သံယောဇဉ် ရှိရိုးမှန်လျှင် .... သူမကို သူသံယောဇဉ် ဖြစ်နေခြင်းပင် ဖြစ်ချိမ့်မည်...။ထို့ကြောင့်လဲ ကိုယ့်ဘာသာကိုယ် နားလည်သလို ဘာသာပြန်၍ ချစ်တယ်ဟု ပြောခဲ့မိသည်...။

သို့သော်... အမြဲတမ်း ငြင်းဆန်နေသော သူမ၏ အပြုအမူအတွက် သူဖြေသာဖို့ အကြောင်းပြချက်ကောင်းကောင်းလိုချင်သည်..။ထို့ကြောင့် သူအရဲစွန့်၍ မေးလိုက်သည်..။

"အမ ကလည်းဗျာ...ဘာလို့ဒီလောက်ငြင်းနေတာလဲ...ကျွန်တော် အမကို ကောင်းကောင်းလုပ်ကျွေးနိုင်ပါတယ်ဗျ...ဘာလဲ ကျွန်တော်က ပညာမတတ်လို့လား?"

ခေါင်းခါသည်..။

"ကျွန်တော်က မချောလို့လား"

"'မဟုတ်သေးဘူး.."

"ဒါဆို...ဘာလဲဗျာ...လူပျိုက အပျိုကို ရည်းစားစကားပြောတာပဲ"

"ငါ အပျိုမဟုတ်ဘူး ဇော်ဇော်..မင်းကလူပျို...ငါနဲ့ပတ်သတ်ရင် မင်းဒီဒဏ်တွေကို ဘယ်လိုလုပ်ခံနိုင်ရည်ရှိမလဲ..မင်းငယ်ပါသေးတယ်ကွယ်..."

ဒေါသ စွက်နေသော သူမအသံက တုန်ရင်နေသည်...။
ဟန်မဆောင်နိုင်လောက်အောင် သူ့မျက်နှာက ကွက်ကနဲ ပျက်သွားသည်...။ သူထင်ထားတာတွေနဲ့ ကြုံတွေ့နေရသည်က အားလုံး ကမောက်ကမ တလွဲတချော်....။ သိပ်ချစ်ရသော သူမသည်...အပျိုမဟုတ် ......လောကကြီးဘာတွေ ဖြစ်ကုန်ပြီလဲ...။သူမကို အားနာလွန်း၍သာ သူထိုနေရာမှ ရုတ်ချည်းပြေးထွက်မသွားခြင်းဖြစ်သည်...။

"မင်းစိတ်ပျက်သွားပြီမှတ်လား... ငါ..အမှန်အတိုင်းပြောနေတာ.."

သူ ရင်ဘတ်ထဲကိုမြင်ရသည့်အလား...ခွန်းဟလာသည်..။
ကိုယ်ကိုယ်တိုင်လည်း ဘယ်တုန်းကမှ မတောင့်တခဲ့သော အဖြစ်အပျက်...။

"ငါ ဒီအကြောင်းတွေ ကိုမပြောချင်တော့ဘူး...မပြောဘူးလို့လဲ ဆုံးဖြတ်ထားတာ..ဒါပေမယ့် မင်းအတွက် အရမ်းအရေးကြီးနေမယ်ထင်လို့ ..ပြောပြနေရတာ...ငါ အိမ်ထောင်ကျဘူးတယ်......................"

နောက်ထပ်စကားသံတွေကို သူ မကြားနိုင်လောက်အောင်..သူ့စိတ်ဝိညာဉ်က ခန္ဒာကို စွန့်ခွာသွားပြီး ဟိုးချောက်အနက်ကြီးထဲသို့ ပြုတ်ကျသွားသကဲ့သို့ပင်...။ လောကတခွင်လုံး အမှောင်ဖုံးသွား သလို မြင်သမျှ မည်းမည်း မသဲကွဲချင်တော့...။ သူမ စကားတွေ အဆုံးမှာတော့ တကိုယ်လုံး တုန်ယင် ပြိုပျက်သွားချင်သည်..။ သူမကဲ့သို့ပင် ဝေ့တက်လာသော မျက်ဝန်းမှ မျက်ရည်စတို့ကို ပုတ်ခတ်ပုတ်ခတ်လုပ်လိုက်ရင်းမှ ရင်တွင်းမချိ...ကြိုတင်တွေ့ခွင့် မရခဲ့ခြင်းကို နှမြောတသနေမိသည်..။ နပိုလီယံက ၀ါးတာလူး စစ်ပွဲမှာ တစ်နာရီနောက်ကျ၍ အာဏာ ဘုန်းမီး အဆုံးသတ်ခဲ့ရသည်..။ သူကတော့ ဘယ်တုန်းက မှ နိုင်ခွင့်မရနိုင်သည့် အချိန်လွန်တိုက်ပွဲကို များစွာနောက်ကျပြီးမှ အားတက်သရော် တိုက်ခိုက်နေသလိုပင်...။

"ဒါကြောင့် နင် ငါ့ကိုချစ်ဖို့ မကြိုးစားပါနဲ့..."

သူမစကား အဆုံးတွင်တော့ နှုတ်ဆိတ်မိနေသော ကိုယ်ကိုယ်ကို လည်း မအံသြမိ..။တကယ်တမ်းက ရုပ်ရှင်တွေထဲကလို ဘာပဲဖြစ်ဖြစ် ကျွန်တော်ကတော့ ချစ်နေမှာပါဆိုသော အိုက်တင်မျိုးနဲ့ မျက်ရည်ရွဲလည် ပွေ့ဖက်လိုက်ရုံသာ..။ လက်တွေ့မှာတော့ ဒီလိုမဖြစ်...။
သတ္တိမကောင်းခဲ့တာ လား... ရင်ဆိုင်ရမှာ ကြောက်တာလား ... ။

ဘာလိုစကားသံမှ သူ့နှုတ်ဖျားမှ ထပ်မဟခဲ့ခြင်းကို သူမစိတ်မကောင်းဖြစ်လိမ့်မည်(သို့) သူမ စိတ်နာလျှင်လည်း နာသွားလိမ့်မည်..။
ခွင့်လွှတ်ပါဟုလည်း သူမပြောချင်...။ ကိုယ်ကိုယ်တိုင်က လည်း လိုချင်စိတ်နည်းပါသွားပြီလား...ဟုပင်..။





                                      xxxxxxxxxxxxxxxxxx

ညက ဇက်ကျိုးအောင် သောက်ခဲ့သဖြင့် အိမ်ကို အထွန်းက ထမ်းခေါ်လာရသည်ဟု အဖေကပြောရင်းနဲ့ လျှော့သောက်ဖို့သတိပေးသည်..။

သူ ရက်ဆက် အမူးလွန်အောင် သောက်နေသည်မှာ ၁ လနီးပါးမျှ ကြာပြီဖြစ်သည်..။ မဆုံဖြစ်အောင် ကိုယ်တိုင်က ရှောင်နေလေသလား လဲ မသိ..။ဘာကြောင့် ရှောင်ပြေးပုန်းနေခဲ့ပါသလဲဟု သာ အခါခါပြန်မေးမိသည်...။ အမှန်အတိုင်းပြောရလျှင် သူမကိုယ်တိုင် အိမ်ထောင်ကျဘူးပါတယ် ဟု ၀န်ခံစကားဆိုခဲ့တုန်းက သူ တုန်လှုပ်သွားခဲ့သည်။ သူမကို ချစ်သည့်စိတ်နဲ့ ဗမာ့လူနေမှု ပတ်ဝန်းကျင်မှ စိမ့်ဝင်ထားသော အတွေးအခေါ် အယူအဆတွေနဲ့ ဘယ်ဟာ အမှန်ဆိုတာက ခွဲခြားခက်လှသည်..။

အထွန်းကို ဖွင့်ဟ တိုင်ပင်ချင်သော်လည်း စိတ်ကမ၀ံမရဲ...။အထွန်းကို ပြောခဲ့မိသော မိမိစကားတွေကိုအားနာမိသည်..။ဒါတောင် မှ ညက သူအမူးလွန်ပြီး ရင်ဖွင့်ခဲ့လေသလားပင် မသေချာ..။ယခုအချိန်ထိလည်း တွေဝေေ၀၀ါးနေသော သူမျက်ဝန်းထဲတွင် သူမကို အချိန်တိုင်းနီးပါးမြင်နေရဆဲပင်..။သူမကို မြင်တိုင်း ရင်ထဲမှာ ကိုယ့်ကိုယ်ကို မကျေနပ်...။စိတ်ဓါတ်ပျော့ညံလွန်းသူ ...ဟု တွေးမိပြန်သည်..။ အဖေပြောသလိုပြောရလျှင်...ဒုတိယလူဖြစ်လဲ အရှူံးသမားပဲ ဖြစ်သည်..။ ပန်းဝင်ခဲ့တာကြာပြီဖြစ်သော ပြိုင်ပွဲတွင်.. အရှုံးအနိုင်က အရေးမပါတော့သလိုပင်ဖြစ်နေသည်...။

"ဟိတ်ကောင်...တော်တော်ဖြစ်နေတယ်ပေါ့.."

အထွန်းစကား က ညတုန်းက သူ အသောက်များသွားခြင်းကို ဆိုလိုကြောင်း သဘောပေါက်သည်..။

"ဟ...လန်းလှချည်းလား အထွန်းရ...ဘယ်က ၀ယ်လာတာလဲ..."

အထွန်းဝတ်ထားသော ဘောင်းဘီလေးက အတော်လှသည်..။အထွန်းကိုယ်တိုင်ကလည်း အလွန်သဘောကျ နှစ်ခြိုက်နေပုံပင်..။

"ငါ ဘေထုပ်ထဲက သွားရွေးလာတာ ..၂၅၀၀ တဲ့... အဲ့ဒါ ၂၀၀၀ နဲ့စစ်လာတာ....ဒါမျိုးက စတိုးဆိုင်မှာတောင် မရနိုင်ဘူး.."

တကယ်လည်း အထွန်းဝယ်လာသည့် ဘောင်းဘီက ဘေထုပ်ဟုပင် မထင်ရ..။ပစ္စည်းကောင်းကောင်းတခုကိုအမြဲတမ်း ခန်းနားသော စတိုးဆိုင်ကြီများမှာသာ ရလေ့ရှိသော အတွေးသည် မမှန်နိုင်...။ တခါခါ တခွန်းဆိုင်ကြီးများမှာတောင် မှ ဒီလို ဘေထုပ်တွေကို သေချာထုပ်ပိုးပြီး အသစ်သဖွယ် ဈေးကြီးကြီးနဲ့ ရောင်းလေ့ရှိသည်ဟု တောင်ကြားဖူးသည်..။ တချိုချို့သော နားလည်သူ တွေက brand ကောင်းကောင်းတွေကို ဘေထုပ်ထဲမှာပဲ သွားဝယ်လေ့ရှိကြောင်းလဲ ပြောပြဘူးသည်..။ပစ္စည်းတခုသည် ဟောင်းသည်ဖြစ်စေ..သစ်သည်..ဖြစ်စေ..ကိုယ်အတွက် အဆင်ပြေသည်..သင့်လျော်သည်..လိုက်ဖက်သည်ဆိုလျှင်ပင် ကျေနပ်ဖို့ကောင်းလှပြီဖြစ်သည်..။

"ဘယ်နားက၀ယ်တာလဲ ...ရှိသေးလား..သွားရွေးရအောင်ကွာ"

အထွန်းက မဲ့ပြုံးဖြစ်ပြောသည်...

"ဟိုတခါပြောတော့ ဘေထုပ်မ၀တ်ဘူးလေ..ဘာလေးနဲ့...ခုတော့တမျိုး..."

သူ့နားထဲ အသံတွေကြားနေရသည်..။

"ဘေထုပ်ဆိုပေမယ့် အထင်တော့ မသေးနဲ့နော်..ရွှေမင်းသမီးလေးတွေကို ထုပ်ပိုးခဲ့တဲ့ ရွှေထုပ်တွေလည်း ပါသဗျ...။ဟော့ဒီမှာ ကိုကိုညီညီတွေ အကြိုက် ရော့ခ်ကာ ဆိုဒ်တွေလဲ ပါသေးတယ်နော်...။ဝင်ရွေးသွား ၀င်ရွေးသွား..သိသူဖော်စား..မသိသူကျော်သွား..။
ထိုက်သူရဲ့ ကံ အပေါ်မှာလဲမူတည်သေးတယ်..။ရပ်ကြည့်လို့ အမြတ်မရှိဘူး..။ ရေလည်း မရွေး အထည်မဆွေးတဲ့ အကောင်းစား ဘေထုပ်တွေ....အမြင်လေးနဲ့ မဆုံးဖြတ်နဲ့...အဆင်လေးလှသလို အထင်သေးလို့မရတဲ့ brand တွေချည်းပဲ..ဘေထုပ်တွေ ဘေထုပ်တွေ"

သူ့ခေါင်းထဲ လက်ကနဲဖြစ်သွားသည်...။ တကယ်တော့ သစ်ခြင်းနဲ့ ဟောင်းခြင်းထက် အသုံးတည့်ခြင်း မတည့်ခြင်း(သို့) အဆင်ပြေခြင်း မပြေခြင်း က သာ၍ အရေးကြီးကြောင်း သူသိခဲ့ဖို့ကောင်းသည်..။ကိုယ့်အပေါ် အရာရာနားလည်သူ တစ်ယောက်၏ အတိတ်က အမည်းစက်ကိုတော့ သူလစ်လျှူရှုရပေလိမ့်မည်...။ ကွက်ကနဲ ပျက်ခဲ့ရသော မျက်နှာ ကြောင့် သူမကို အားနာမိကြောင်း သူသေချာရှင်းပြရဦးမည်...။သူ့ပြောင်းလဲမှုအတွက် သူမ လက်ကမ်းကြိုပါစေဟုသာ ဆုတောင်းမိသည်..။




billy (22.12.2011) AM 0:18

ဆိုင်ချက်

 သူရိန်စိုး က ပြင်ပ အစားအစာ ဆိုလျှင် လုံးဝ စား၍ မရကြောင်း ပြောပြသည့်အခါ အံသြမိသည်..။ ပြည့်စုံသည်ဆိုသော ဘ၀ကို မွေးလာကတည်းက ပိုင်ဆိုင်ထားသူမို့ အစားအသောက်နဲ့ ပတ်သတ်လျှင် ဂဂျီဂဂျောင် ကျတတ်သည်မှာ သဘာဝ ပင်ဖြစ်မည်ဟု မှတ်ထင်မိသည်..။

ကျွန်တော့်လို အိမ်မှာ ဖင်ပူအောင် မနေရသော သူမျိုးအဖို့ အပြင်စာ(၀ါ) ဆိုင်ချက် ဆိုတာ ဗိုက်ပြည့်ဖို့ အတွက် အဓိက အားထားနေရလို့ပါပဲ...။

လူတကိုယ် အကြိုက် တမျိုးစီမို့ သူ့အကြိုက်ကို မကန့်ကွက်လိုသော်လည်း သင်္ဘောသား လုပ်မယ့် သူ့ရည်ရွယ်ချက်နဲ့တော့ မကိုက်ညီနိုင်ဘူးလို့ ထင်မိကြောင်း ရှင်းပြမိ၏..။ ဒါက သူသင်္ဘော မတက်ခင်ကဖြစ်သည်..။

သူရိန်စိုးက တဦးတည်းသော သားမို့ မိဘ တွေ၏ အလိုလိုက်မှုကို ခံရသည်..။အဒေါ်တွေကလည်း တုန်နေအောင်ချစ်သည်..။ အဒေါ်အပျိုကြီးတွေနဲ့ အနေများသဖြင့် အနည်းငယ် ပျော့သည် ...ယောက်ျား သိပ်မဆန်ဟု ...သူငယ်ချင်းတွေက စနောက်တတ်သည်..။ ဒီကောင်ကလည်း ဒီကောင် ...ရံဖန်ရံခါ...သက်သက်လွှတ်စားခြင်း..၊ အဓိဌာန် ပုတီးစိပ်ခြင်း...၊ ဘုရားတက်ခြင်းသည်...စသည့် အပျိုကြီး မိန်းကလေးများ လုပ်လေ့ရှိသည့် အကျင့်များကို အမွေရဟန်သွားတူသည်..။ အရက်သေစာ မူးယစ်သောက်စား မိန်းကလေး အပျော်အပါးဆို ဝေလာဝေး...။ထို့ကြောင့် သူ့ကို အစိုးဟု ချစ်စနိုးဖြစ် နောက်ခေါ်ကြသည်..။

တခါက သူ့ကို သဘောကျသည့် ကောင်မလေး တစ်ယောက်က စတင် ချိန်းချက်သည်ကို တွင်တွင်ငြင်းဘူးသည်..။  အခါခါ ချိန်းချက် သော်လည်း သူက မလိုက်လျောသဖြင့် ကောင်မလေးက လက်လျှော့သွားခဲ့သည်...။ ကျွန်တော့်တို့ ငယ်ငယ်တုန်းကတော့ သူငယ်ချင်းတွေ ကြားမှာ ထိုအကြောင်းအရာသည် ပြောစမှတ်ဖြစ်သည်..။ ဒါနဲ့များ ဒီလိုကောင်မျိုးက သင်္ဘောတက်ဦးမည်တဲ့....။

အစိုး ပထမဆုံး သင်္ဘော တက်ပြီး ပြန်လာတုန်းက မှတ်မှတ်ရရ ... နာမည်ကြီး အရက်တလုံး ကျွန်တော်တို့အတွက် ၀ယ်လာသည်..။ အနည်းငယ် ပြောင်းလဲသွားသည်ကသူ့အိမ်နားက ကောင်မလေးတစ်ယောက်နဲ့ မေတ္တာမျှသွားခြင်းဖြစ်သည်။ ဖြူဖြူချောချော ကောင်မလေးမို့ ကျွန်တော်တို့တွေ မုဒိတာ ပွားမိသည်..။ ရိုးရိုးအေးအေး နေတတ်သူနဲ့ ဖြူဖြူချောချောလေး နဲ့မို့ လိုက်ဖက်ညီလှသည်..။

သို့သော် ဒုတိယ တခေါက် သင်္ဘော တက်ပြီး အပြန်တွင်တော့ အရက်ကို ခုံခုံမင်မင် သောက်တတ်နေပြီဖြစ်သည်..။ အကြောင်းမှာ ဖြူဖြူချောချောကောင်မလေးက ရည်းစား အသစ်ရသွားခြင်းကြောင့် ဖြစ်မှန်း ကျွန်တော်တို့အားလုံး တင်ကြိုသိနှင့်ပြီးဖြစ်သည်..။ အထွေအထူး ရှင်းပြနေစရာမလိုသော လောက ဓမ္မတာအတိုင်း အနေဝေး၍ သွေးအေးသွားခြင်းမျိုးဖြစ်သည်..။ သွေးမအေးသော အစိုးကတော့ အရက်မူးအောင်သောက် ၍ သွေးပူနေမြဲ...။

တတိယ အကြိမ် သင်္ဘော တက်အပြီးတွင်တော့ ဟိုးအရင် အစိုးနဲ့ ဘာမှ မဆိုင်တော့...ယခင်လိုလဲ အစားအသောက်ဂျေးမများတော့..။မူးလာလျှင် ဘာမဆိုအကုန်စားသည်...။ မမူးလျှင်လည်း ကြုံတာစားသည်..။

အစီအစဉ်အတိုင်းဆိုလျှင် ညစဉ် စားသောက်ဆိုင် ထိုင်ပြီးတိုင်း...KTV , ပြီးလျှင်တော့ မာဆတ် သို့မဟုတ် ကလပ်တက်ခြင်းဖြစ်သည်..။အစိုးယခင်လို ဘုးရာမတက် ဥပုဉ်သတင်း မစောင့်နိုင်တော့ခြင်းသည်.. အရက်ကြောင့်ဖြစ်သည်..ဟု ဆိုလျှင် ..အရက်ဘာကြောင့် အမြဲသောက် ရသလဲမှာ အကြောင်းအရင်းရှိသည်..။

လောကတွင် ဒီလိုဒီလို အဖြစ်မျိုးတွေ ဒုနဲ့ဒေးမို့ အထူးအဆန်း ဟု မဆိုသာသော်လည်း ဒီလောက် ရိုးရိုးအေးအေး နေတတ်သော သူငယ်ချင်း..ကို ဘယ်လို အကြောင်းမျိုးဖြင့် စွန့်ခွာခဲ့လဲဟု ဖြူဖြူချောချောကောင်မလေးကို မေးကြည့်ချင်သည်..။

ယခုတော့ အစိုးတစ်ယောက် ဆိုင်ချက်ကို ခုံခုံမင်မင်စားသောက်တတ်နေပြီဖြစ်သည်..။  ...menu လှန်လိုက်သည်နဲ့ ကြိုက်တာကို ဈေးမေး မှာယူနိုင်သည်..။ ရွေးချယ်စရာအခွင့်အလန်းပိုများသည်..။ အိမ်မှာလို ရှိတာကိုပဲ အောင့်အီးစားရသည့် ဒုက္ခမှ ကင်းဝေးသည်..။ဘယ်ဟင်းကိုပဲ စားစား အရသာက အဆင်ပြေသည်..။ တွဲဖက်စားသောက်စရာ ဖော်ဖော်သီသီရှိသည်..။ ငပိအတို့..၊ နိုင်ချင်းရသေးသည်..။ အရည်သောက်ကလဲ ပါသေးသည်..။ လက်နဲ့စားမလား...ဇွန်းခရင်းလား...။ ဒါ့အပြင် စားပြီးလျှင် ပန်းကန်ဆေးရခြင်းမှ ကင်းဝေးသည်..။ ဆိုင်ချက်စားခြင်း၏ အားသာချက်တွေအကြောင်း ပြောလျှင် တပုံတပင်
ဝယ်စားရတာ...ပိုအဆင်ပြေတယ်ကွ..ဟု အစိုးကပြောပြတတ်သေးသည်..။

ယခုတော့ အစိုးတစ်ယောက် ရည်းစားတွေ အများကြီးထားတတ်နေပြီဖြစ်သည်..။ ကောင်မလေးတွေ အများကြီးနဲ့ တွဲတတ်နေပြီဖြစ်သည်..။ အရင်လို သူ တစ်ယောက်တည်းကို အများကြီးချစ်ဖို့လဲ သူ မစဉ်းစားတော့..။ ..
...menu လှန်လိုက်သည်နဲ့ ကြိုက်တာကို ဈေးမေး မှာယူနိုင်သည်..။ ရွေးချယ်စရာအခွင့်အလန်းပိုများသည်..။ အိမ်မှာလို ရှိတာကိုပဲ အောင့်အီးစားရသည့် ဒုက္ခမှ ကင်းဝေးသည်..။ဘယ်ဟင်းကိုပဲ စားစား အရသာက အဆင်ပြေသည်..။ တွဲဖက်စားသောက်စရာ ဖော်ဖော်သီသီရှိသည်..။ ငပိအတို့..၊ နိုင်ချင်းရသေးသည်..။ အရည်သောက်ကလဲ ပါသေးသည်..။ လက်နဲ့စားမလား...ဇွန်းခရင်းလား...။ ဒါ့အပြင် စားပြီးလျှင် ပန်းကန်ဆေးရခြင်းမှ ကင်းဝေးသည်..။ ဆိုင်ချက်စားခြင်း၏ အားသာချက်တွေအကြောင်း ပြောလျှင် တပုံတပင်
ဝယ်စားရတာ...ပိုအဆင်ပြေတယ်ကွ..ဟု အစိုးကပြောပြတတ်သေးသည်..။


ဖြစ်ရပ်မှန်မဟုတ်ပါ..။

billy (16.1.2012)
pm: 1:03

အရွယ်လွန်၏ သံသယ

မတောင်းပဲတောင် ပေးခဲ့ဘူးတယ်
အခုတော့တောင်းလာတဲ့ အခါ ပေးစရာမရှိဖြစ်ရတယ်

မခေါ်ပဲတောင် သွားခဲ့ဘူးခဲ့တယ်..
အခုတော့ ခေါ်တာတောင်မှ မသွားရဲဖြစ်ရတယ်

မကျွေးပဲတောင် စားခဲ့ဘူးတယ်
အခုတော့ ကျွေးနေတာတောင် မစားနိုင်ဖြစ်ရတယ်..

မမေးပဲလည်း ပြောခဲ့ဘူးပါတယ်
အခုတော့ မေးလာခဲ့တာတောင် ဖြေစရာမရှိဖြစ်ရတယ်..

မပေးပဲတောင် ယူခဲ့ဘူးပါတယ်..
အခုတော့ ပေးနေတာတောင် မယူရဲဖြစ်ရတယ်..

မချစ်ပဲတောင် နေခဲ့ဘူးပါတယ်
အခုတော့ ချစ်နေတာတောင် မ၀ံမရဲဖြစ်ရတယ်..

billy (25.1.2012)
Am:  1:06

လျှော့ကြိုးများ

လမ်းလျှောက်သံ ခပ်ပြင်းပြင်းက ဇာခြင်ထောင်ပါး...စစ်စောင်ထူထူကို ကျော်ဖြတ်ပြီး နားစည်ကို ရိုက်ခတ်လာသည်...။ နာရီကိုကြည့်တော့ နံနက် ၆ နာရီပင် မထိုးတတ်သေး...။ တမှေးကွေးလိုက်ချင်သေးသော်လည်း... ရေချိုးခန်းအတွင်းမှ အ၀တ်ရိုက်သံ တဖုံးဖုံး က ဆူဆူညံညံထပ်ထွက်လာပြန်သည်...။ ဆက်မှေးလို့ မဖြစ်နိုင်မှန်း သိသောကြောင့် အိပ်ရာကိုလုံးထွေး သိမ်းလိုက်ပြီးနောက်... ကြွက်လျှောက်တွင် တင်ထားသော ညက စီးကရက်ကို ရှာလိုက်သည်..။ အိမ်သာတက်ရင်း ဆေးလိပ်သောက်ရသည့် ဖီလင်ကို ဆေးလိပ်သောက်တတ်သူ တွေသာ သိနိုင် ခံစားနိုင်သည်...။ ညက သူ ချန်ထားသော စီးကရက် သည် ယခုမနက် အိမ်သာတက်လျှင် သောက်ဖို့ အတွက်ဖြစ်သည်...။

မတွေ့..။ဟို..မောင်မင်းကြီးသား သောက်သွားခြင်းပင်ဖြစ်လိမ့်မည်...။ မနက်စောစော ကွိုင်မတက်ချင်သောကြောင့် ဂျာနယ်တစ်စောင်ကို ယူ၍ အိမ်သာ တွင်းသို့ သူလှမ်းဝင်လိုက်သည်...။ကြည့်စမ်း...တော်တော်စုတ်ပဲ့တဲ့ကောင်...ရေကို သေချာမလောင်းသွားသောကြောင့် အတုံးလေးတွေက ရေပေါ်တွင် ပေါ်လောပေါ်လို့...။ အဆောင်နေ သူငယ်ချင်းချင်း ပြဿနာ အသေးအဖွဲလေးတွေကို ဗွေ မယူချင်တော့..။
သူစိတ်ကို လျှော့ချလိုက်သည်...။

ဆောင်းတွင်း မနက်စောစော ရေချိုးလိုက်ရသဖြင့် တကိုယ်လုံး အအေးမိထားသော လူနာလို ကတုန်ကယင်ဖြစ်သွားသည်..။ ထုံးစံအတိုင်း ဟမ်းဘတ်အိပ်ကို လွယ်၍ ကားမှတ်တိုင် အနီး လက်ဖက်ရည်ဆိုင်သို့ထွက်ခဲ့သည်..

စားပွဲထိုးတွေက လည်း အရင်လူတွေလိုမဟုတ်..။ ဆက်ဆံရေးကလည်း ညံဖျင်းလွန်းသည်..။ စားပွဲခုံတွေကလည်း ညစ်ပတ်ပေရေနေသည်ကိုလည်း သန့်ရှင်းရေးမလုပ်..။ ရေနွေးပူပူလေးတွေ ကိုဖြည့်ရကောင်းမှန်းမသိ..။ မျက်လုံးတွေက ဖွင့်ထားသော LCD တီဗီမျက်နှာပြင်ကိုငေးနေရင်းမှ စည်းချက်လိုက်သလို ပါးစပ်တွေက တရွရွ တလှုပ်လှုပ်.တချို့ကတော့ အိပ်ရေးမ၀သလို လေးတိလေးကန်နဲ့.။သောက်နေကျ အဖျော်ဆရာ မရှိတော့သော်လည်း.. ဆိုင်ကိုတော့ သူပြောင်းမထိုင်ဖြစ်ခဲ့သည်မှာ... ထိုင်နေကျ ဆိုင်ကို မစွန့်ခွာရက်...သောကြောင့်ဖြစ်နိုင်သည်ထင်သည်။ပြဿနာ အသေးအဖွဲလေးတွေကို ဗွေ မယူချင်တော့..။ သူစိတ်ကို လျှော့ချလိုက်သည်...။

အရသာ မရှိသော လက်ဖက်ရည်ကို သောက်လိုက်ရသောကြောင့် ခံတွင်းချဉ်ပြေအောင် ဆေးလိပ်ကိုဖွာရင်းမှ ကားဂိတ်ဆီသို့ သူ့ခြေလှမ်းတွေကို လေးလေးကန်ကန် လှမ်းနေမိသည်..။ ရုံးတက်ချိန် ..ရုံးဆင်းချိန်တိုင်းလိုင်းကားစီးရသည့်ဒုက္ခက မသေးလှ..။ ဂျပန်စစ်ကျန် ဘီအမ်ကားတွေကို စီးလျှင် လိုရာခရီး မြန်မြန်ရောက်သည်..။ သို့သော် ကားအမိုးနိမ့်သဖြင့် ခေါင်းကို အရမ်းငုံထားရသည်က ရေရှည်ကျတော့ မလွယ်...။ ထို့ကြောင့် smart ကျကျ စီးနိုင်မည့် အထူးကားကို ရွေးစီးမိသော်လည်း ကားပေါ်ရောက်မှ မှားမှန်းသိတော့သည်..။

အထူးကားဆိုသည်မှာ အလွန်အမင်း အထူးတလည် ကျပ်ညှပ်သလို...အထူးပင် အတက်အဆင်းခက်လှသည်..။  လူတစ်ကိုယ်စာ အလယ်လျှောက်လမ်း ကျဉ်းကျဉ်းလေးမှာ လူတွေက ဖင်ချင်းပေါက်လောက်အောင် ကျပ်ကျပ်ညပ်ညပ်စီရီရပ်နေရလေ့ရှိသည်..။အကြောင်းကြောင်းကြောင့် မိန်းကလေးများ၏ နောက်ဘက်မှ ကပ်၍ တိုးမိလျှင် လည်း မျက်စောင်းခဲခံရသည်..။ အနေအထိုင် မတတ်လျှင်လည်း စပယ်ယာ၏ အပြောအဆို ကိုတိုက်ရိုက်သော်လည်းကောင်း သွယ်ဝိုက်၍သော်လည်းကောင်းခံရသေးသည်..။ ဒီ့အပြင် စီးထားသည်ဖိနပ် ၀တ်ထားသည့် အ၀တ်အစားက အစ နွမ်းလျကြေမွမှ ကားပေါ်က ဆင်းရသည့်ဘ၀...။ပြဿနာ အသေးအဖွဲလေးတွေကို ဗွေ မယူချင်တော့..။
သူစိတ်ကို လျှော့ချလိုက်သည်...။

အလုပ်ရောက်တော့လည်း များလိုက်သည့်အလုပ်တွေ...တကမ္ဘာလုံးက အလုပ်ကိုယ်တစ်ယောက်တည်း လုပ်နေရသလားမှတ်ရသည်..။...ဒီကြားထဲ....အွန်လိုင်းရောက်နေတဲ့ ချစ်သူကလည်း ဇီဇာကြောင်ပါဘိသနဲ့..။ ခြေထောက်ဖြင့် နင်းရသည့် ကီးဘုတ်များရှိလျှင်အော်ဒါတောင် မှာချင်သေးသည်..။ လက်ကမနား ပါးစပ်ကမအားရတဲ့ ကြား... စိတ်ကပါဗျာများနေရသည်ကို သူမ မမြင်...။ စာတစ်ကြောင်းမတက်တော့လျှင် အသက်ရှူမှားလောက်သည့် စကားလုံးများဖြင့် စကားနာထိုးတော့သည်..။ အချဉ်ပေါက်ပြီး ကလော်တုတ်ပစ်လိုက်ချင်သော စိတ်ကို ကြိတ်မှိတ်မြိုသိပ်ထားရပြန်သည်..။ ကိုယ့်မှာလည်း ရှားရှားပါးပါး ဒီတစ်ယောက်ပဲရှိသည်မဟုတ်လား..။
ပြဿနာ အသေးအဖွဲလေးတွေကို ဗွေ မယူချင်တော့..။
သူစိတ်ကို လျှော့ချလိုက်သည်...။

ရုံးပြန်ချိန် ရောက်လျှင် ကားကျပ်ကျပ်ကို ပြန်စီးရဦးမည်..။

သူမနဲ့ တွေ့လျှင် အွန်လိုင်းမှာ စကားမပြန်နိုင်သည်ကို သူဖြေရှင်းရဦးမည်..။

ညနေရောက်လျှင် သူငယ်ချင်းတွေကို အရက်တိုက်ရဦးမည်..။

လကုန်ခါနီး အိပ်ကပ်ကပါးနေသဖြင့် သူငယ်ချင်း တဦးဦးဆီက ပိုက်ဆံချေးရဦးမည်..။

အဆောင်လခ ကြွေးကျန်တွေကို ဆပ်ရဦးမည်..။

ထမင်းဖိုးတွေ ပေးစရာကျန်သေးသည်..။

....

ပြဿနာ အသေးအဖွဲလေးတွေကို ဗွေ မယူချင်တော့..။
သူစိတ်ကို လျှော့ချလိုက်သည်...။


billy (13.3.2012)
9:39 PM

ဂိုးသွင်းကြသူများ

ယောက်ျားလေးတွေရဲ့ အချစ်အကြောင်းလို့ ပြောလိုက်ရင် အဲ့ဒီနောက်မှာ ကောင်မလေး တစ်ယောက်ရဲ့ အကြောင်း ကပ်ပါလာတတ်စမြဲ..။ယောက်ျားလေးတစ်ယောက်ရဲ့ အသက်အရွယ် အနုအရင့် နဲ့ အချစ် အပေါ်ပြောင်းလဲလာတတ်တဲ့ ခံစားမှု သဘောတရားကို ဒီလိုတမျိုး ပုံဖော်ကြည့်မိတယ်..(ရှင်းရှင်းပြောရမယ်ဆိုရင် ယောက်ျားလေးတစ်ယောက်ရဲ့ မိန်းမတွေ အပေါ်ထားတဲ့ သဘောတရားပေါ့ဗျာ)

ဆယ်ကျော်သက်...ငယ်ငယ်ရွယ်ရွယ် အတွေ့အကြုံမရှိခင်တော့ တဒိုင်းဒိုင်း ဂိုးပဲ သွင်းချင်နေတဲ့ အထောင်တိုက်စစ်မှူး ( Center Forward ) ဖြစ်ချင်တဲ့သူ တွေချည်းပါပဲ..။နာမည်လည်းမကြီး  ခြေစွမ်းလည်းမပြနိုင်တဲ့ မထင်မရှား တိုက်စစ်မှုးဘ၀ နဲ့ ဂိုးတွေ တဒိုင်းဒိုင်းသွင်းပြီး ရုတ်ချည်း နာမည်ကြီးသွားတဲ့ သူတွေဆိုပြီးသာ ကွဲပြားသွားပေမယ့် အားလုံးက အနည်းနဲ့ အများ ဂိုးသွင်းတဲ့ အတွေ့အကြုံတော့ ရလိုက်ကြတာချည်းပါပဲ..။ တခါတခါလည်း ဂိုးတွေ သွင်းနေရဲ့သားနဲ့ ဒဏ်ရာပြင်းထန်စွာ ရသွားတတ်ကြပြီး စောစောစီးစီး အနားယူလိုက်ရတာတွေလဲရှိပါရဲ့...။

၂၀ ကျော်မှာတော့ အတွေ့အကြုံ အတန်ငယ်ရင့်ကျက်လာပြီမို့  တကိုယ်တည်း ပင်ပင်ပန်းပန်း မရုန်းကန်တော့ပဲ... အဖော်ပေါင်းတွေနဲ့ team work ရဲ့ သဘောအရ အဖွဲ့လိုက် စုစည်း အားထုတ်တတ်လာပါပြီ..။ ကိုယ်တိုင်ဂိုးသွင်းဖို့တင်မဟုတ်ပါဘူး အခြား ကိုယ်လိုသူလို တိုက်စစ်မှူး တွေ ဂိုးသွင်းဖို့ ကိုလည်း ကူညီ ပံပိုးရင်းနဲ့ ကိုယ်လည်း ကြုံရင် ကြုံသလို အခွင့်အရေးအခြေအနေကို အသုံးချတတ်လာပါပြီ..။ Shadow Striker ဒါမှ မဟုတ် Wing Striker ဖြစ်မှန်းမသိဖြစ်လာပါပြီ...။

၃၀ နီးနီးမှာတော့ အတွေ့အကြုံ အတော်အတန် ရင့်ကျက်လာပြီဖြစ်သလို ခြေစွမ်းကလည်း အလွန်ပြနိုင်နေပြီ ဖြစ်ပေမယ့် ငယ်ငယ်ကလို ကိုယ်တိုင်ဂိုးသွင်းဖို့ချည်းပဲ အားမသန်တော့ပါဘူး..။  ကွင်းလယ်မှာ အတက်အဆင်းလုပ်ရင်းနဲ့  ကစားကွက် ဖန်တီးခြင်း (Player Maker ) ဘ၀ကို တစိုက်စိုက်မိုက်မိုက်ခံယူရင်း...အသင်းသား အားလုံး၏ လေးစားမှုကို ရယူရန်သာ အားထုတ်တော့သည်..။ ဖျက်သင့်တာဖျက် ..ဖြန့်သင့်တာဖြန့် ရင်း ..အခြေအနေပေးပါက Free Kick မှသော်လည်းကောင်း... အဝေးမှသော်လည်းကောင်း ကန်ချက်ပြင်းပြင်းဖြင့် အသင်းဖော်များ ရှိန်သွားအောင် ဂိုးသွင်းယူရင်း အောင်ပွဲခံတတ်သေးသည်..။

၄၀ နားကပ်သွားလျှင်တော့ သူတို့အားလုံးက ဂိုးတော်တော်များ များ သွင်းခံဖူးသူတွေဖြစ်လို့ လာသမျှ အကုန် ပုတ်ထုတ်ဖို့သာ စဉ်းစားနေတတ်ကြတဲ့ ဂိုးသမား ( Goal Keeper ) တွေ ဖြစ်ကုန်ကြပြီ..။ လက်စွမ်းပြပြီး အမိဖမ်းပြပြီးရင်းလည်း... သူတို့က ကြာကြာ ကိုင်ထားလိမ့်မယ်မထင်နဲ့ ချက်ခြင်း ကန်ထုတ်တတ်ကြတာကြီးပဲ..။ သူတို့ ပိုင်နက်ထဲမှာတော့ ဆရာသွားမလုပ်လေနဲ့ ဘောလုံးကို ခြေရော်လက်ရော်သုံးပြီး ကစားလို့ရတာ တသင်းလုံးမှာ သူတစ်ယောက်ပဲရှိတယ်..။သူ့ကို လည်း အထင်မသေးပါနဲ့... လိုအပ်ရင် Free Kick အပြင် ခေါင်းတိုက်ပြီးလဲ ဂိုးသွင်းတတ်သေးတယ်..။

နောက်တန်းကစားသမားအဖြစ် လာသမျှကို တဖုန်းဖုန်းကန်ထုတ်တတ်တဲ့ လူပျို ကိုကိုကြီးတွေကလည်း Conner  Kick ကတဆင့် ဂိုးတွေ သွင်းဖို့ကိုလည်း မနေးတတ်ပါဘူး..။ တခါခါ သူတို့လို့ ခံစစ်မှူးကြီးတွေက ရှေ့တန်းတိုက်စစ်မှူးတွေထက်တောင် ဈေးကွက်ကို ကိုင်လှုပ်နိုင်ပါသေးတယ်..။ကိုယ်တိုင် ဂိုးသွင်းခဲပေမယ့်  ဂိုးသွင်းမယ့်သူတို့ကို ဖြတ်တင်ဘောတွေ ... long ဘောတွေနဲ့ ...သူတို့လည်း ကူညီပေးနေပါကြောင်း....

ယေဘုယျပြောရရင်ဘောလုံးသမားဆိုတာ ဂိုးသွင်းဖို့ပဲ မဟုတ်လားဗျာ... :P


billy (12:52 AM )
23.3.2012

ပိုချစ်ခြင်း ပြဿနာ

အလကားရတဲ့ အရာတခုနဲ့ ကိုယ်ကိုယ့်ကို နှိုင်းယှဉ်ခဲ့ခြင်းသည်..
ကိုယ်က မချစ်၍ ဖြစ်သည်..။
သူကအရင်ထွက်သွားပြီး...ကိုယ်က နောက်မှ ထွက်သွားခြင်းသည်..
ကိုယ်က မချစ်၍ဖြစ်သည်..။
ကိုယ်မကျူးလွန်မိသော ကိစ္စအတွက် ၀န်မခံခြင်းသည်...
ကိုယ်က မချစ်၍ဖြစ်သည်..။
တရက်လျှင် ၂၄ နာရီလုံး အချိန်မပေးခြင်းသည်..
ကိုယ်က မချစ်၍ဖြစ်သည်..။

နောက်ဆုံးတော့
ပိုချစ်ရသူ ကိုယ်သာဖြစ်ပါစေ ဟူသော အဓိပ္ပါယ်တွင်
ဝစီကံနှင့် ကာယကံ များစွာ ကွာခြားခြင်းရှိကြောင်း
သိခဲ့ရသည်..။

ရိုးထက် (billy)12.6.2002
5:55 AM

ကျွန်တော့်ရဲ့သူမ

ကမ္ဘာပတ်ပြီးရှာရင် မောသွားမယ်..။
ဘယ်လို အရာမျိုးနဲ့မှ ထပ်တူမကျဘူး...။
ဘာနဲ့မှ တန်ဖိုးဖြတ်လို့မရဘူး..။

ကမ္ဘာပတ်ပြီးရှာရင် မောသွားမယ်..။
ဘယ်လို အချစ်မျိုးနဲ့မှ ပုံစံမတူဘူး..။
ဘယ်တုန်းကမှ မတွန့်တိုတတ်ခဲ့ဘူး..။

ကမ္ဘာပတ်ပြီး ရှာရင်မောသွားမယ်..။
ဘယ်တော့မှ ပြုံးပြဖို့ မမေ့တတ်ခဲ့ဘူး...။
ဘာကြောင့်ဖြစ်ဖြစ် စိတ်မဆိုးတတ်ခဲ့ဘူး..။

ကမ္ဘာပတ်ပြီး ရှာရင်မောသွားမယ်..။
ဘယ်လိုဖြစ်ဖြစ် ဂရုစိုက်ဖို့ မမေ့လျော့ခဲ့ဘူး..။
ဘာတွေလုပ်လုပ် မမေးရက်ခဲ့ဘူး...။

ကမ္ဘာပတ်ပြီး ရှာရင်မောသွားမယ်..။
ဘယ်လောက်ကြမ်းတမ်း...မထားရက်ခဲ့ဘူး..။
ဘယ်လောက်လွမ်းလွမ်း...(ဖွင့်ပြောဖို့)အရမ်း ရှက်တဲ့သူ...
သူဟာ ကျွန်တော့်ရဲ့သူ....

ကမ္ဘာပတ်ပြီးရှာရင် မောသွားမယ်...
မော.....သွား....မယ်..
မော.....သွား....မယ်..

ရိုးထက်( billy)
26.8.2012
6:48 AM

ချစ်သူမကောင်းကြောင်း တစေ့တစောင်း

ချစ်သူမကောင်းပါ
ပြောသမျှစကားတိုင်းကို ဂရုတစိုက် မှတ်သား နားထောင်လေ့ရှိတဲ့ ချစ်သူကြောင့် အခြားသူတို့နဲ့ တိုင်ပင်နှီးနှော်ချင်စိတ်တို့ ကုန်ခမ်းရသည်..
ချစ်သူမကောင်းပါ
အလျော့ပေးလွန်းသော ချစ်သူကြောင့် အခြားသူတို့နဲ့ ပြိုင်တိုင်း ကိုယ်သာ နိုင်ချင်စိတ်တို့ အမြစ်တွယ်ကုန်သည်..
ချစ်သူမကောင်းပါ
အလိုက်သိလွန်းသော ချစ်သူကြောင့် အခြားသူတွေ အလိုက်မသိတဲ့အခါတိုင်း ဒေါသထွက်ရသည်..
ချစ်သူမကောင်းပါ
အမြဲဆုံးမတတ်တဲ့ ချစ်သူကြောင့် သူမနဲ့ ကင်းကွာတိုင်း ဆိုးသွမ်းချင်စိတ်တို့ ကိန်းအောင်းလာရသည်..
ချစ်သူမကောင်းပါ
ဟန်ဆောင်ကင်းတဲ့ အသံချိုချိုနဲ့ စကားပြောတတ်တဲ့ ချစ်သူကြောင့် ကြမ်းကြမ်းတမ်းတမ်း ကြားရတိုင်း ထိတ်လန့်တုန်လှုပ်တတ်လာရသည်…
ချစ်သူမကောင်းပါ
အချိန်ပေးလွန်းတဲ့ ချစ်သူကြောင့်… အချိန်မရတဲ့ အခါတိုင်း စိတ်ဆိုးတတ်လာရသည်..
ချစ်သူမကောင်းပါ
အရိပ်တကြည့်ကြည့် နဲ့ ချစ်တတ်သော ချစ်သူကြောင့် ဥပက္ခာ ပြုခံရတိုင်း သောကရောက်ရသည်..။
ချစ်သူမကောင်းပါ
အမှန်တိုင်း အရိုးခံဆက်ဆံတတ်တဲ့ ချစ်သူကြောင့် နေ့စဉ်နေ့တိုင်း ကိုယ့်လိပ်ပြာကိုယ်လုံဖို့ ကြိုးစားရတာ ပင်ပန်းလှသည်..
ချစ်သူမကောင်းပါ
ဟင်းချက်ကောင်းတဲ့ ချစ်သူကြောင့် ဖြစ်သလိုနေပြီး ဖြစ်သလိုမစားတတ်တော့ပဲ လောကကြီးနဲ့ အံမ၀င်ဖြစ်လာရသည်..
ချစ်သူမကောင်းပါ
တနေ့တခြား ပိုပိုလှလာသော ချစ်သူကြောင့် သ၀န်တိုစိတ်တို့ ဖိစီးလာတတ်ပြီဖြစ်သည်..
ချစ်သူမကောင်းပါ
ဆွဲဆောင်မှုကောင်းတဲ့ အပြုအမှုလေးတွေရှိတဲ့ ချစ်သူကြောင့် တနေ့တခြား ပိုပိုလွမ်းရသည်…
ချစ်သူမကောင်းပါ…
ချစ်သူမကောင်းပါ..
ချစ်…သူ….မ….ကောင်း….
ချစ်….သူ….မ
ချစ်…သူ..
ချစ်…မ
ချစ်..
ချစ်

Billy 24.9.2012
2:22 PM

ဘောလုံးအချစ်

မိန်းကလေးနဲ့ ယောက်ျားလေးက ဖွဲ့စည်းပုံချင်း မတူညီသလို အရာရာမှာ တန်ဖိုးထားပုံ ချင်းလဲမတူပါဘူး..။ မိန်းကလေးတစ်ယောက်အတွက် အရေးကြီးဆုံး အစိတ်အပိုင်းတချို့ဟာ..ယောက်ျားလေး တစ်ယောက်အတွက်တော့ ... သွေးတိုးစမ်းချင်စရာ အပျင်းပြေ ကစားပွဲ တစ်ပွဲလောက် သာ အရေးထားစရာဖြစ်နေတတ်ကြ တယ်..။

 ကျွန်တော်တို့ ယောက်ျားလေးတွေ အချင်းချင်းပြောဆိုငြင်းခုန်ကြပြီး..၊  ဂုဏ်တုဂုဏ်ပြိုင် လုပ်ဖို့လက်ခမောင်းခတ်စရာ ကစားပွဲသဖွယ် ၊ မိန်းမတစ်ယောက်ဆီက အချစ်တွေ၊ မေတ္တာတွေ အပြင် အလိုရှိရာကို  အပြိုင်အဆိုင်အားထုတ်ရတာမျိုးဖြစ်နေတာကိုး..။

ဘောလုံးသမား စကားနဲ့ပြောရရင် အိမ်ကွင်း အဝေးကွင်း ကွင်းဘယ်လောက်များများ ကန်ဖူးသလဲပေါ့..။ ဘောလုံးသမားတစ်ယောက်အတွက်တော့ ကွင်းပေါင်းများစွာမှာ ကစားဖူးတာဟာ ဂုဏ်ယူစရာ ကောင်းသလို အိမ်ကွင်းအပိုင်ရှိနေတာဟာလည်း ဂုဏ်ယူစရာတမျိုးပါပဲ...။ ပွဲတိုင်းအနိုင်ဆိုရင် ပိုလို့တောင် ပြည့်စုံသလို ... ရှုံးခဲ့ရင်လည်း ..အတွေ့အကြုံရတာပဲဟု ဖြေသိမ့်ချင်စရာပါပဲ...။

တခါတခါ အိမ်ကွင်းကို လက်လွတ်ခဲ့ရရင်တောင်မှ...အဝေးကွင်းတွေ ရှိနေသေးမို့ ဖြေသာနိုင်သေးသည်..။တခါတရံတော့ ဒဏ်ရာရသွားတတ်သဖြင့်... ကာလရှည်ကြာစွာ အနားယူရတာမျိုးလည်း ဖြစ်သွားနိုင်သည်..။ သို့မဟုတ်... လုံးလုံး စွန့်ခွာသွားရတာမျိုးလည်းဖြစ်နိုင်သည်..။ ဒါပေမယ့် အချိန်တန်ရင် ဘောလုံးသမားဟာ... ကွင်းထဲမှာ ဟိုပြေးဒီပြေး ဘောကန်ချင်တာပဲမဟုတ်လား..။အဓိကက ကန်နေတုန်း ခြေစွမ်းပြနိုင်ဖို့ကသာ အရေးကြီးတယ်မဟုတ်ဘူးလားဗျာ..။

14.10.12 (2:03) AM
billy

ဧည့်မျှော်ကြသူများ

ကျွန်တော်တို့ မြန်မာလူမျိုးတွေ ဧည့်ဝတ်ကျေပုံများ... ပြောပြရင် အောချလောက်ပါရဲ့..။ ဒါပေမယ့် ဒီလိုအောချလောက်ရအောင် ဧည့်ဝတ်ကျေတာလေးရဲ့ နောက်ကွယ်က အကြောင်းကလေးတွေလဲ ကိုယ်စီရှိလိမ့်မှာပေါ့..။ဒီထဲက အကြောင်းတခုကတော့...

တမြန်နှစ်က မောင်ရိုးတို့ ရွှေစက်တော်ဘုရားကို အသွား မင်းဘူးက အသိတွေဆီ ၀င်လည်တုန်းကပေါ့..။ဂရုစိုက်ချက် မနေတတ်မထိုင်တတ်အောင်ပါပဲ ။ စားဖို့မကျွေး... ဘီယာကို ဖာ လိုက် ပေးလို့ သူတို့လဲပျော် ကိုယ်တွေလဲပျော်...။ နေ့လာနေ့ရဲ့..ညလားညရဲ့..သောက်ချက်...တရက်မနား...နေ့တိုင်းချရဲ့။ ကောင်းရှာပါတယ်... သူတို့ခင်မျာ... ကိုယ်တွေကို အဖော်လုပ်ပြီး ကိုယ်တွေကြိုက်တာကို လိုက်လုပ်နေရရှာတာကိုး...။ အလုပ်ပျက် အကိုင်ပျက်နဲ့ မောင်ရိုးတို့ အုပ်စုကို ဟိုပို့ရ ဒီပို့ရနဲ့ ... အားနာစရာ..။

 ဒါတင်မကသေး...သူတို့ အရပ်မှ ရှာပါးပေ့ဆိုတဲ့ ကာရာအိုကေဆိုင်လားပို့ရဲ့..။ မာဆတ်ဆိုလဲ မညူဆူ...။ဒါတွေကို သူတို့တတွေက မညဉ်းမညူးရှာကြ..။ တော်ရုံသူတွေဆို စိတ်ပျက်သွားမှာပေါ့..။ သူတို့ မှာလဲ လူပျိုလူလွတ်တွေ မဟုတ်ရှာကြ အိမ်သူသက်ထား တွေက မျက်နှာညိုမှာပြီး ကတောက်ကဆဖြစ်မှာကိုတောင် စိုးရိမ်းမိသေး...။အလွန်ကျေးဇူးတင်ဖို့ကောင်းလေစွ..။

အော်... တောသူတောင်သားတွေများ ချမ်းသာကြွယ်ဝအဆင်ပြေပြေ ဆိုင်ကယ်လေးတွေနဲ့နေရတာတောင် မြို့ကြီးသားတွေလို ဂိုက်နဲ့ စိုက်နဲ့ နေတတ်ကြသူတွေ မဟုတ်။ အစစအရာ..၊ ဧည့်သည်တွေကို သိပ်ဦးစားပေးရှာကြတာကိုး..။သြော်..စေတနာဖြူစင်ချက် ..ရိုးသားချက်... ကိုယ်ကိုယ့်ကိုယ်တောင် မလုံမလဲဖြစ်မိပါတယ်...။ ကိုယ်တွေဆီသာ လာလည်ရင်..ဒီလိုမျိုးမှ ဧည့်ဝတ်ကျေနိုင်ပါစ..။ အချိန်ပေးနိုင်ပါစ..။

ဒါကြောင့် မောင်ရိုး လဲ ပြန်ခါနီး ကားဂိတ်ကို လိုက်ပို့တဲ့ အခါမှာတော့.. မနေနိုင်မထိုင်နိုင် လောကွတ်စကား ပြောမိတာပေါ့...

"မင်းတို့ ရန်ကုန်လာလည်လို့ မင်းတို့ လောက် ဧည့်ဝတ်မကျေမှာ စိုးရိမ်မိတယ်ကွာ "ဆိုတော့...

မင်းဘူးသားတွေ စကားကြားမှပဲ ...အားလုံးကရှင်းသွားတော့တယ်..။

"ဘာမှ စိတ်ထဲမထားပါနဲ့ကွာ...ငါတို့ကလဲ မင်းတို့ကို အကြောင်းပြပြီး ငါတို့လုပ်ချင်တာ လုပ်ခွင့်ရတာကွာ...မင်းတို့ရောက်နေတော့ ငါတို့ မိန်းမတွေကလဲ ငါတို့ ဘာလုပ်လုပ် ကွိုင်မရှာတော့ဘူးပေါ့...။ နောက်လဲ မကြာမကြာလာဦးကွာ... မင်းတို့လာမှ ငါတို့က လွတ်လွတ်လပ်လပ်ကဲရတာ..အဟီး..ဟီး"

အကြံပိုင်လိုက်တဲ့ မင်းဘူးသားတွေ...ရန်ကုန်သားတွေ ဒီတခါတော့ ခံချည်းဦးတော့..။ မင်းဘူးသားတွေကိုလဲ ရန်ကုန်ကို ဖိတ်ခဲ့ပါသေးတယ်...။ ဒီကောင်တွေကို လက်စားချေချင်လို့...လေ..

14.10.12(2:47)PM
billy

လူယောင်ဆောင်သောလူ

ဝမ်းသာနေတဲ့ အခါလည်း
အသုဘ မို့လို့ မျက်နှာကို ညိုးထားရတယ်

ဝမ်းနည်းနေတဲ့ အခါလည်း
မင်္ဂလာဆောင်နဲ့ ကြုံလို့ ပြုံးထားရတယ်

ဝင်ပြီးဖြေရှင်းပြန်တော့လည်း
ဘာသိလို့လဲ လို့ ဘုပြောခံရတယ်

ဖာသိဖာသာနေတော့လည်း
နေနိုင်လိုက်တာလို့ စွပ်စွဲကြပြန်တယ်

သိုသိုသိပ်သိပ် နေတာ့လည်း
မမျှဝေ မခံစားတတ်ဘူးတဲ့

ပေါ်ပေါ်တင်တင် နေတော့လည်း
အလကားလိုက် ကြွားနေတာတဲ့

ရည်းစားထားပြန်တော့လည်း
ပွေလိုက်ရှုပ်လိုက်တာတဲ့

ရည်းစားမရှိပြန်တော့လည်း
ဒီအရွယ်တောင် အမြှီးမပေါက်သေးဘူးလားတဲ့

လူ့လောကထဲ စုန်ဆန်မျောရင်း
လူတွေထဲမှာ အသားကျဖို့ ကြိုစားနေတုန်း..............

ကောင်းကောင်းဆိုးဆိုး
ကိုယ့်ဘက်က အမြဲရပ်တည်ပေးခဲ့တဲ့
အမေ့စကားတွေ ပြန်ကြားရတိုင်း
မျက်ရည်ဝဲမိတယ်...

"လူတိုင်းကို ကိုယ့်လိုပဲ သဘောထားပါ
ပြီးတော့ သတိထားဆက်ဆံပါ" တဲ့

တကယ်တော့ ကျွန်တော်က
လူတွေနဲ့ အဆင်ပြေအောင် ရပ်တည်နေရတဲ့
လူယောင်ဆောင်ထားရတဲ့
လူတစ်ယောက်ပါ..။

billy ( 19.11.2012)
11:41 PM

အချစ်ဆည်( ရေကာတာ)

ထွင်းဖောက်ပြီး မမြင်နိုင်ဘူး
သိုလှောင်ထားလို့ရတယ်

အတိုင်းအတာနဲ့
ခံနိုင်ဝန်အား
အတိအကျ သတ်မှတ်ပြီးသား

အများကြီးတော့ အများကြီးပဲ
ဒါပေမယ့်
လိုအပ်သလောက်ပဲထုတ်ပေးတယ်

ဒါတောင် တခါခါ မထုတ်ပေးဘူး
အကျပ်ကိုင်ချင်တယ်

များလွန်းရင်လျှံတယ်
ပြိုကျပျက်ဆီးမှာ စိုးရိမ်နေရတယ်

နည်းတဲ့အခါလဲ
ခန်းခြောက်ကုန်မှာ စိုးရိမ်နေရတယ်

ရိုးထက် (billy) 8.6.12
11:58 AM

ဆေးရုံ

သွားသူကသွား
ကျန်သူကအော်...


လာသူကလာ
မျှော်သူကပျော်...
 
ရိုးထက် (11.5.2012)
8:28 Pm