အလိုက်သမားရဲ့ အပြေး

ကျွန်တော် စာမရေးတာ အတော်ကြာပါပြီ..။ရေးစရာလည်း မယ်မယ်ရရ မရှိလို့ ထင်ပါတယ်..။တခါတရံ အရက်သောက်ချင် သည်ကလွဲရ်ျ ကျွန်တော့် အချိန် တော်တော်များများ နေသာထိုင်သာရှိသည်သာ...။ ကျွန်တော် ခေါင်းထဲတွင် မဲလုံး ၊ ၀ါဆိုဦး ၊ ဧပရယ် ၊ iPad ၊ 450Mhz ၊ တရုတ်ပစ္စည်း ၊ networking ၊ Facebook ၊ သင်္ဘောသီးသုပ် ၊ ၀က်သားတုတ်ထိုး ၊ ABC ၊ ကြက်ဂွေးတောက် ၊ ငါးကြင်းမြှီးကြွပ်ကြော် ၊ပဲခြမ်းသုပ် ၊ စင်္ကာပူ ၊ ထိုင်းနိုင်ငံရေး ၊ ပတ်စ်စပို့ ၊ discount ၊ စသည့်ဖြင့် အကြောင်းအရာ အတော်များများဖြင့် ပြည့်သိပ်နေသည်၊

ရံဖန်ရံခါ ကွန်ပြူတာရှေ့ ရောက်သော်လည်း ဘာရေးလို့ ရေးရမယ်မှန်းမသိ။ ကျွန်တော်ရေးသော စာအတော်များများသည် အတုယူစရာ ၊ သင်္ခန်းစာယူစရာ ၊တွေးတော်စရာ ကင်းမဲ့နေချည်းသာ။ ကျွန်တော့် ကိုယ်ရေးကိုယ်တာ ခံစားချက်သက်သက်များသာဖြစ်ရ်ျ စာဖတ်သူတို့အား တစုံတရာ ပေးနိုင်ရန် အားနည်းလျှက်ရှိသည်..။အကြိမ်ပေါင်းများစွာ အလဲလဲ အကွဲကွဲ ဖြစ်နေသော နှလုံးသားကို ဗဟိုပြုရ်ျ ဖွဲ့နွဲ့သီကုံးထားသော ငိုချင်းရှည်များသာ ဖြစ်သည်ဟု ကျွန်တော် ထင်ပါသည်။


ကြားခဲ့ဖူးတဲ့ စကားတစ်ခွန်းရှိတယ်..။ " လိုက်ရင်ပြေးတယ်..ပြေးရင်လိုက်တယ်.. " ချစ်ရေးချစ်ရာနဲ့ ပတ်သတ်တဲ့ စကားတစ်ခွန်းပါ..။

အကြိမ်ပေါင်းများစွာ လိုက်တဲ့သူဖြစ်ခဲ့တဲ့ ကျွန်တော့်အတွက် ပြေးတယ် ဆိုတဲ့ ဝေါဟာရ ကို အဓိပ်ပါယ် မဖွင့်တတ်ပါ..။ဗမာ လူမျိုးတို့၏ ဓလေ့ထုံးတမ်းစဉ်လာအရ ယောက်ျားလေး သည် အချစ်ရေးတွင် အလိုက်သမားသာဖြစ်သည်..။သို့အတွက်ကြောင့် မည့်သို့မည်ပုံ လိုက်ရမည်ကို မကျွမ်းကျင်လင့် ကစား ကျွန်တော်သည် သဘာဝ တရားက ဖန်ဆင်းထားသည့် အလိုက်သမားသာဖြစ်ခဲ့ရသည်..။

.သို့ဆိုသော်ငြားလည်း...ကျွန်တော်သည် တောကျွမ်းသော...၊ ပရိယာယ်ကြွယ်ဝသော ..၊ ရဲရင့်တက်ကြွသော တောလိုက်မုဆိုးတစ်ယောက်မဟုတ်သောကြောင့် သက်သက်လွတ်ဟင်းစားရသည့် ရက်တွေကဒုနဲ့ဒေး..။ရံခါ  မိမိ ညွှတ်ကွင်းအတွင်းသက်ဆင်းလာသော ..သားကောင်းတို့အပေါ်တွင်တောင်မှ အစားတလုတ်အတွက် ဘ၀တခုကို ရင်းစားမပြုဝံခဲ့...။ ထို့ကြောင့် ခပ်ချာချာ မုဆိုးရှော်ကြီးကျွန်တော်သည်လည်း သားရဲတောမှ လက်ချည်းဗလာ ၀မ်းဟာတာဖြင့် ပြန်ခဲ့ရခြင်းမှ အဆန်းတကြယ်မရှိလှ... ။

ကြာသော်...ကျွန်တော်သည်... မစားရတဲ့ ကလေး မငတ်ဘူးဆိုသကဲသို့ ....ငတ်ရကောင်းမှန်း မသိသော ...ကလေးတစ်ယောက်လို ဖြစ်မှန်းမသိ ဖြစ်လာလေ သလားပင်မသိ..။ နောက်ဆုံးပေါ် ဇိမ်ခံပစ္စည်း မှန်သမျှကိုယ်နဲ့ မဆိုင်ဟု ထင်နေသော...ဆိုက်ကားသမား တစ်ယောက်လို ဘာသိဘာသာ နေခဲ့ မိလေသလား ကော်..မဝေခွဲတတ်..။ ချစ်ရေးချစ်ရာ ကိစ္စ ဆိုလျှင် လက်တွန့်နေတတ်သည်..။

သဘာဝအလျှောက် အချိန်တန်လူလားမြောက်လာလျှင် အဖော်ရှာစမြဲ ထုံးစံသာတည်း..။အရာရာတိုင်း တွင် နောက်ကျလေ့ရှိသော ကျွန်တော်သည်...ချစ်ရေးချစ်ရာ(၀ါ) အဖော်ရှာခြင်းကိစ္စတွင်လည်း နောက်ကျခဲ့ပြန်သည်..။သူငယ်ချင်း စုံတွဲပေါင်းစုံ၏ ပါရီဖြည့်ဘက်..(၀ါ) သူငယ်ချင်းများ၏ ချစ်နည်းလမ်းပွင့်ပေါင်းစုံ ကို နှစ်ပေါင်းများစွာ အနီးကပ် ပညာသင် ဘ၀ဖြင့် အချိန်အတော်ကြာနေခဲ့ရင်း...ညုနည်း..၊ အီနည်း..၊ ဖန်နည်း..၊ ပတ်နည်း ..ပေါင်းစုံကို သိခွင့်ရခဲ့ပြန်သည်...။

သို့တိုင်အောင် ကျွန်တော်သည်...မည်မျှ ကြိုးစားပင် ကြိုးစားသော်လည်း.. ဥာဏ်ရည်မမှီသော လူတစ်ယောက်လို လုပ်သမျှ အလွဲအလွဲ အချော်ချော်..၊ အယောင်ယောင်အမှားမှားနှင့် နောက်ဆုံးတွင် တစ်ယောက်တည်းသာ..။ အမြှီးမပေါက်သော ..မျောက်တစ်ကောင်၏ ခံစားချက်ကို...အမြှီး မပေါက်သော.(၀ါ) အမြှီးပြတ်ဘူးသော မျောက်များသာ ကိုယ်ချင်းစာနိုင်ပေလိမ့်မည်..။သူများတွေလို ဘုရားသွားလျှင် ဖိနပ်ကိုင်ပေးမည့်သူမရှိ..၊ ရုပ်ရှင်ကြည့်လျှင် နေကြာစေ့ခွာပေးပြီးခွံကျွေးရမည့်သူမရှိ...၊ ကော်ဖီသောက်လျှင် ဖျော်ပေးမည့်သူမရှိ..။ အားငယ်စရာကောင်းလှသည်..။အဆိုးဆုံးက  ယောက်ျား စစ်စစ် ဖြစ်ခွင့်မရခြင်းပင်...

ငယ်ငယ်တုန်းကတော့ ...မိန်းမတစ်ယောက်ကို ချစ်ရေးဆိုရခြင်းသည်... ကျိုက်ထီးရိုးဘုရားကို ခြေလျှင် လမ်းလျှောက်တတ်ရသည်နှင့်တူသည်..။ပင်တော့ပင်ပန်းသည်...ဒါပေမယ့် စရိတ်စက သိပ်မကုန်..။ အသက်အလက်ပိုင်းလောက်ကြတော့ ရသေ့တောင်မှ တဆင့်လမ်းနည်းနည်းလျှောက်ရုံဖြင့် လိုရာခရီးရောက်နိုင်သည်..။ ကားခ တ၀က် ၊ လူတစ်ဝက်..နည်းနည်းတော့ ပင်ပန်းသည်..။ အသက်ကြီးလာတော့ ဒီလိုမဟုတ်.. တောင်ထိပ်အထိ ကားလမ်းခရီးပေါက်သည်..ပင်ပင်ပန်းပန်းအားထုတ်ရန် မလိုတော့ ..။သို့သော်..စရိတ်ရှိရမည်...။ စရိတ်မရှိလျှင်တော့ .. စိတ်ကူယဉ်ဖို့ခက်သည်...။

ဒီလိုပါပဲ...။ အသက်ကလေးများ နည်းနည်းကြီးလားလို့ကတော့ ဘယ်ကိစ္စ ဖြင့်ဖြင့် လျော်စရာရှိမှ စားစရာရသည်..။ ကလေးဘ၀ကလို ညာတာပါတေး ..၊ အာရိုက်၍မရတော့...။ ချစ်တယ်ဟု ဆိုလျှင် ချစ်ကြောင်းကို သက်သေပြရသည်..။ထိုသက်သေပြဖို့ အတွက် ပါးစပ်တခုတည်းနှင့် မလုံလောက်တော့...။ရုပ်ခံ ကောင်းသူများပင်... ကိုးရီးယားကားထဲ ကလို ပြီတီတီ သွားလုပ်လျှင်... ရွံ့စရာကြီးဟု အထင်ခံရသည်..။အသက်အရွယ်ကြောင့်ဖြစ်သည်...။

ကျွန်တော်ဆိုရင်လည်း အရွယ်တော် အစိတ်ပိုင်းလို့ လူပျို ဟိုင်းကြီး အရွယ်ရောက်နေလို့ အရင်လို ကလေးကလားတွေ လုပ်ဖို့ခက်သည်...(မှတ်ချက် အသက်ရွယ်ကြောင့်ဖြစ်သည်) ။ ငယ်ငယ်တုန်းကလို လိုချင်တာကို လက်ညိုးထိုး ပူဆာရန်မလွယ်..။ဒါဆိုရင် ... ကျွန်တော်တို့က ချစ်သူကလည်း လိုချင်ပါ၏..လိုက်လည်း လိုက်ပါ၏ ..ဒါတောင်မှ အဆင်မပြေရင်..ပြေးများ ပြေးရင်ကော်..လိုက်လာမည်လား..။  အမဲဖျက်သလို ဖျက် မဲ့သူမရှိသဖြင့် စိတ်နာစရာကောင်းနေပေလိမ့်မည်..။

လိုက်၍ အလုပ်မဖြစ်ရင်တော့ ပြေးဖို့သာရှိသည်..။ သို့သော်.. မပြေးရဲ..ဝေးသွားမှာ စိုးသည်..။ပြီးတော့ ပြေးခဲ့ရင်တောင် ဒီရပ်ဝန်းမှာ ပတ်ပြေးနေတာပဲဖြစ်လိမ့်မည်..။ပတ်ပြေးလျှင် ခရီးမရောက်နိုင်တာကို သိပါသည်..။သို့သော် ကျွန်တော်ကတော့ ဒီအတိုင်းပဲပြေးတတ်သည်...။

ကျွန်တော်ပြေးနေသည်..။
မနက်ဖြန်လည်း ပြေးနေပါလိမ့်မည်..။

billy(28.8.2011)