ဘ၀နာခြင်း

"မင်းက ဘ၀မနာတတ်ဘူး.."
ဒီစကားကို လွန်ခဲ့သော ၁၀ နှစ်ကျော်က အဖေပြောခဲ့ခြင်းဖြစ်သည်...။

အချိန်အတန်ကြာ ကျွန်တော် နားလည် ဖို့ မစွမ်းနိုင်ခဲ့သော အသုံးအနှုန်းတစ်ခုဖြစ်နေခဲ့သေးသည်..။ရံဖန်ရံခါ ထိုစကားကို ပြန်ပြန်ကြားမိတိုင်း ...  ဘယ်လို အသုံးအနှုန်း ပါလိမ့်ဟု စူးစမ်းမိသည်...။ ပြောသူက မည်သို့ သဘောပေါက်စေချင်၍ ပြောမှန်းမသိသော်လည်း.. ဘ၀နာသည် ဆိုခြင်းမှာ မိမိဘ၀တိုးတက်ဖို့ အတွက် သူတစ်ပါး ပြစ်တင်တိုင်း နင့်နင့်နဲနဲ မှတ်သားထားရန်ဖြစ်သည်..ဟုကျွန်တော် နားလည်ခဲ့ရသည်..။ဗမာဗွီဒီယို ကားများတွင် ထိုအတိုင်း သာ တင်ပြလေ့ရှိသည်..။ မင်းသား(သို့) မင်းသမီးက သိပ်ဆင်းရဲ..ဒါကိုလူတွေက ၀ိုင်းနှိမ်.. နှိမ်ခံရသူက မှတ်သားထား..နောက်ပြန်ကလဲ့စားချေ...။ ထိုသို့ဆိုလျှင် ဘ၀နာခြင်းဆိုသော အသုံးအနှုန်း သည်..လူတိုင်းအတွက် မဟုတ်..။အနှိမ်ခံလူတန်းစား ဆင်းရဲသားများ အတွက်သာဖြစ်သည်...။စကားလုံး တစ်လုံးသည်...ဘုံသုံးမဟုတ်ပဲ တသီးပုဂ္ဂလ လူတန်းစားတရပ်တည်းအတွက် ဖြစ်နေခြင်းသည်...လက်ခံနိုင်ဖွယ်မရှိပေ..။

ဆင်းရဲတိုင်းသာ ဘ၀နာရမည် ဆိုလျှင် နဂိုကတည်းက နာနေသော ဘ၀ထော့ကျိုးကို စိတ်ရိုင်းစိတ်နောက်တွေ ၀င်လာစေရန် ထိုစကားလုံးကို မည့်သို့သော စာတတ်ပုဂ္ဂိုလ်က ဖန်တီးခဲံ့သည်..မသိချေ..။ ဒါကတော့ တင်ပြပုံ ကို မနှစ်သက်၍ ဆင်ခြင်ကြည့်ချင်ဖြစ်သည်..။

ဘ၀ နဲ့ နာကို တဆက်တည်း ဖတ်၍ ဘ၀နာ သို့မဟုတ်...ဒဏ်ရာအနာတရတွေနဲ့ ဘ၀ဟု အလွယ်တကူ ကောက်ချက်ဆွဲသော ဥာဏ်ကြီးရှင်များကိုလည်း လေးစားမိပါရဲ့....။ပိုဆိုးသည်က ထိုသို့ထင်သည့်  အတိုင်းကို ပြန်လည် တင်ပြ ဆုံးမခြင်းကိုက ... တက်လူတစ်ယောက် အတွေးဂေါက်သွားနိုင်လောက်သည်ကိုကော် စဉ်းစားမိပါလေစ...။

မူရင်း အဓိပါယ်ကို သေချာဆန်းဆစ်ကြည့်လိုက်တော့ ... ဘ၀နာဆိုသည်မှာ ဘ၀အကြောင်း ကောင်းကောင်းသိသည်..။ဘ၀ကို နားလည်သည်..။ဘ၀ကို ကျေညက်သည်...။ ဘ၀နဲ့ပတ်သတ်လျှင် အရာရာကို နားလည်နိုင်သည်..။ ...ဒီလို သဘောပေါက်နိုင်ဖို့ကို အချိန်နည်းနည်းပေး ခေါင်းအေးအေးလေးနဲ့ စဉ်းစားရင် ရနိုင်သည်..။

မည်သို့ဆိုစေ ကျွန်တော်သည်..ဘ၀မနာတတ်ပါ...။ရခဲလှတဲ့ လူဘ၀မှာ ကိုယ်လုပ်ချင်တာ လုပ်ခွင့်ရလျှင်ပင် တော်တော်ကျေနပ်စရာကောင်းလှပါပြီဟု ထင်မိသည်..။ဖွဲ့ဆိုချင်လျှင် ဖွဲ့ဆိုနိုင်သလောက် ကျယ်ပြန့်လှသော၊နက်နဲလှသော ဘ၀၏ သဘောတရားများကို အသက်ကြီးလေ အော်တိုငုတ်တုတ် ပို၍ပို၍ သိလာခဲ့ရသည်။လက်ရှိအချိန်တွင်ပင်လျှင် နာတာရှည် ရောဂါသည်တစ်ယောက်ကဲ့သို့ ချည့်နဲ့နေသော ဘ၀ကို ရထားပြီးပြီမို့ ကြံဖန်ပြီးတော့လည်း ဘ၀နာစရာ အကြောင်းမရှိတော့ပေ...။

စေ့စေ့တွေး ..၊ရေးရေးပေါ်ဆိုသလို တွေးကြည့်လိုက်လျှင်တော့ ဘ၀ အကြောင်းက ကောင်းတာနည်းနည်း အမှားသံသရာထဲမှာပဲ ၀ဲလည်နေမှန်းလည်း မသိမဟုတ်သိ၏..။ မကွေး မဆန့်ခင်..ထွက်သွားနိုင်တဲ့ အသက်တစ်ခု အတွက် ဘ၀ကို အရင်းပြု ရှင်သန်နေသော ထိုအစုထဲမှာ ကျွန်တော်လည်း ပါပါ၏..။

အချို့တွေက ဘ၀ညာကြသည်..။ (အထူးသဖြင့် အွန်လိုင်းမှာဖြစ်သည်)..ယောက်ျားက မိန်းမဖြစ်..၊ လူအိုက အပျိုဖြစ်..၊ ဆိုက္ကာသမားက ပွဲစားဖြစ် ၊သူခိုးက ပိုင်ရှင်ဖြစ်၊ ...ကိုယ့်ချစ်သူက သူများရည်းစားဖြစ်..၊ အဲ့လို..အဲ့လို

အချို့က ဘ၀အာကြသည်...။ တရာဖိုးရှိက..တစ်ထောင်ဖိုး..၊ တစ်ထောင်ဖိုးရှိက...တစ်သောင်းဖိုး ...၊

အချို့က ဘ၀ပြာကြသည်..။ အမြဲတမ်း ကတိုက်ကရိုက်နဲ့ ...ဘာမှန်း မသိ အလျှင်လိုနေကြတယ်..။အောင်မြင်ဖို့ အတွက် စိတ်ရှည်ရမယ်ဆိုတာ သူတို့ မေ့နေပုံပဲ...။

အချို့က ဘ၀သာကြတယ်။ မွေးကတည်းက ဒုက္ခဆိုဂျို နဲ့လားမေးရလောက်အောင်... ရပ်တည်မှုနဲ့ ရှင်သန်မှုမှာ ချိတ်ဆက်ကောင်းကောင်းရှိကြလေရဲ့...။

အချို့က ဘ၀ရှာကြတယ်..။ ဘ၀နေ၀င်ချိန် ရောက်နေတာတောင်မှ... ဘ၀ရဲ့ အနှစ်သာရ နဲ့ အစစ်အမှန်တွေကို မတွေ့နိုင်သေးဘူး...။ သူများတွေ ရဲ့ ယုံကြည်မှုနောက်ကိုလိုက်ရင်း အချိန်တွေကုန်နေတတ်တယ်..။

အချို့က ဘ၀ဆာကြသည်..။ သူတကာတို့ထပ် အသက်ပိုရှည်ချင်တယ်..။လောကကြီးမှာ အကြာကြီးရစ်မူးချင်ကြသည်..။ဘ၀ကွာလတီထက် ဘ၀ရဲ့ အလျားကို ပိုပြီးခုံမင်ကြတယ်..။

အချို့က ဘ၀ကြာကြတယ်...။ ဆင်းရဲငတ်မွတ်...လိုအင်ဆန္ဒမပြည့်ကြ...စိတ်ဓါတ်ကျစရာတွေ များကြလို့ စက္ကန့်တိုင်းက ပိုလိုကြာညောင်းကြတယ်..။

အချို့ကတော့ ဘ၀ဟာကြတယ်..။ ဘယ်လောက်ဖြည့်ဖြည့် မပြည့်နိုင်လို့ ၀မ်းအပြင် အိတ်ရှိသလားလို့တောင် သံသရ ၀င်မိတယ်..။ဘယ်နှစ်ဘ၀စာအတွက်များ...အားထုတ်နေပါလိမ့်..

အချို့က ဘ၀ချာကြတယ်...။လှော်ရင်းနစ်နေလို့ မလှော်တာ့လည်း မုန်းတိုင်းက ထန်ပါရော်...။ဒီကြားထဲ ပင်လယ်ထဲ ရေငတ်နေလို့ ..
တဲ့..

အချို့က ဘ၀မာကြတယ်...။ မာသမှ ဒေါင်ဒေါင်မြည်...။ တစ်သံသရာလုံးစာကို တဘ၀ထဲနဲ့ အပြီးအပိုင် ခံစားသွားကြရတယ်..။

ဘာပဲဖြစ်ဖြစ်...ကျွန်တော်တို့ အားလုံး ဘ၀ကွာ ကြပါတယ်...။

ကျွန်တော်ကတော့ ဘ၀ဂါ* ပါတယ်...။ သောက်သောက်စားစားလူမင်းသားဆိုတဲ့ထုံး နှလုံးမူလို့ လုပ်ချင်ရာလုပ်တုန်း...

အဖေသာ သိရင်ထပ်ပြောဦးမယ်...။ မင်းခုထိ ဘ၀မနာတတ်သေးဘူး ရယ်လို့.....


* ဂါ(ဂါခြင်း) ။              ။ အဆင်ပြေပြေ..မပြေပြေ ..အမြဲမူးနေတတ်သူ..၊ တစုံတခု အဆင်မပြေသူ...၊ အဆင်ပြေခြင်းမှ လွတ်ထွက်နေသူ....

billy (2.9.2011) PM 1:45